再約裝寬頻, 又要等下星期三. 去第二間問又要等到十月十二號. 小佢又冇用求佢又冇用, 總之美國 Service 就係冇用.
回想我 CUMBA 果時上頭一兩堂 Finance 都係聽唔明, 之後死刨書上堂就好好多. 上幾天我完全遺忘了之前有幾努力, 所以又慌又亂. 今天上堂 80% OK, 仲想舉手答問題.
星期二好難果科的這難題我問過好多人, 有此人叫我 Drop 了它費事讀得唔開心, 有些人叫我努力追上去. 今天問了 Tutor, 佢話依科係三粒星的 Finance 科目, 由退休賺夠的 Hedge Fund Manager 教, Full Time 同學們都九成在 Tier 1 i-Bank (即係 GS / MS / ML) 做 Corporate Finance 之類的經驗. 所以我覺得辛苦都是好應該, 建議我 Drop 左佢 Take 其他的 Course. 聽到這裡, 我便下了決定了. 結果不用多說.
原來我同德國同學的二人組今多了一個 Full Time 的黑人同學, 樣子很似肥版 Anfernee Hardaway. 踢住拖番學, 很 nice 的, 有空會影張相放出黎.
晚上和幾個亞洲人看 Chicago White Sox vs Boston Red Sox 的棒球比賽. 約了和日本同學 ‘加藤鷹男’ 在 Campus 搭的士去球場. 街上已經不多 Cab (的士), 仲要截左十部十部都話要去 Pick Up (有人 Call 左的士). 見時間越來越遲, 日本人不知所措, 平時叫野食都依賴鬼仔的我唯有擔起責任來想辦法. 囉起電話見到的士門上的電話即刻打去 Call 車. 點知話比佢知邊條街同邊條街交界佢都地都唔收貨, 唯有行多兩步去一度有門牌的地方講過 Full address 佢地知. 等左一陣就有車來了, 仲要用 SMS Confirm 我車牌號碼. 果度晒左我 Pre-Paid Sim Card 幾蚊美金 (美國收 SMS 都要收錢) 但救到我地兩個都是值得的 (如果唔係就晒左48蚊美金入場卷). 在車上日本人都話佢讀果科全部 Year 2, 好似冇人理佢 d 又聽唔到佢地英文. 佢果科要同人同組, 冇人理佢佢重要當住全班面前 introduce 第二次 (第一次係第一堂). 佢話佢感覺不好. 睇黎有問題的唔係只係我. 這是中學教科書所講的 ‘文化沖擊’ 嗎?
來到球場, 算做第一次係 Stadum 入面睇 Live (之前去阿仙奴, 拜仁慕尼克, 阿積士, 皇家馬德里同埋巴塞隆納 都只是參觀吉球場). 雖然唔係爆滿, 但係都有 d 主場氣氛. 德國同學話睇棒球係 ‘Fuck’n Boring’ : 入場 60 蚊, 啤酒 7 蚊枝, 熱狗 5 蚊個, 兩三枝啤酒熱狗埋單 100 蚊, 睇三個鐘最后比數係 2 – 0…
今次去看, 頭幾 round 都係好悶, 仲要越黎越凍 (我只係短打加件 Adidas 風褸). 好在之後主場夠膽死打個全疊打 Gran Slam (即係囉足四分) 仲要係咁放煙花, D 主場球迷顛晒咁又叫又跳. 仲要打打下停電廿分鐘. 唔知係咪見我悶, 整多 d 野比我睇等我開心下. 看來都好有趣. 攬球睇下有冇心情同價錢先去, 但係公牛的就算一百蚊美金都要去睇.
回家發覺偷用的 Wifi HotSpot 又可以上網了 (雖然斷斷續續的), 我不信耶穌, 但相信很多野都是整定.
