一整天九點至五點都在上堂. 這個 course 是好早之前比 45 蚊報的, 又是教 Corporate Valuation. 教的公司話自己是教開華爾街大行, 教師係華爾街做過5年又係賺夠退休教書. 教的野八成我在香港學過, 但個阿sir講得好好, 令我溫固知新之餘仲學多左野 (香港只教 formula 同基本運用). 看來同一樣的東西, 由唔同人教, 吸收到會差好遠. 阿 sir 的教書方法完全順暢, 如果學到 30% 這些東西, 對我日後公司做 presentation 或開會會很有用.
佢講到做 M&A 之類的痛苦生捱, 一星期工作 80 – 100 小時就唔少得. Even 係 Analyst / Associate 依 d 入門級都要見客人的 CFO / CEO. 工作壓力大又辛苦, 頭幾年 Basic 年薪都係 20 萬至 40 萬 (未扣美國稅前). 聽了後 30 歲的我覺得如果現在才入行還是太辛苦了, 還是留番比 22 歳 Fresh Grad 很有精力的小子. 做 Analyst 果面搵很多但是很辛苦的, 果時有個專做 IPO 的朋友仔話 ‘你見我渣 Porsche 番國金好風光? 我渣車番工放工果段時間咪係唯一可以風光的時間囉, 日日番 8 點放 1 點賺錢冇命享’ 要入 i-bank 還是做 sales & trading 果面好一點. 人老了, 健康才是重要.
昨天講我同組的同學係度拗 risk free rate / market premium 之類晒好多時間. 今日阿 sir 都有講到依點, 話讀書果時晒咁多時間搵 rate 咁多係多 x 餘. 真係 practical 的話 Analyst 只係走去禁部 BloomBerg 就咩 rate 都出晒黎. 這才是皇道. 舅父之前係 BloomBerg 同 Reuters 做高層, 我賺得最多果幾年都有諗過十幾萬蚊年費裝部 BloomBerg 的. 但裝係屋企又冇用, trading hour 我係公司又冇理由咁串放部係公司. 第日我比人炒了才裝吧.
想了很多日, 終於捨得買 7.99 USD 的煎 Pan. 除了價錢是考慮因素外, 買了後會代表要用, 用了代表要出手晒時間同心機煮野 (不再午餐肉公仔面). 我住葵青區時偷學了很多珍貴的煮食技巧同方法, 蘿白牛腩/粟米班塊/焗豬扒飯/粉絲’線’貝/田螺焗薯依D沒大問題 (不是吹牛, 一定比很多女生煮得還好吃). 可是我是懶惰的人, 要我晒時間煮野食不如唔食. 在這裡野食又唔太岩食又貴, 一日一餐的生活不能支持很久, 現在有如迫良為娼的要開始煮野食.
什麼地方不去不玩的我在家不斷看書追回進度. 看到有本書很有趣, 書名叫 Outliers (出眾者). 佢講好多社會學同科學數據分析不同類別人士的共通點. 我只看了第一課, 佢講到一個人出生日期同佢做某 d 野好大關係. 例如加拿大打 hockey 既學界係一月一號到十二月尾. 數據統計發覺勁人(e.g. All Star Team 內成員) 大部份係一月到四月出世. 因為佢地細細個 (四五歲) 開始打學界, 對於小朋友來說差十二個月身形同體格上係好大差別. 好的小朋友開頭打得好有信心, 會越打越好. 從這例子作者 apply 了好多其他地方, 例如讀書等等. 大家有興趣可以問我囉 e-book 睇第一課 (用半小時可以睇晒). 只係我身邊很多剛結婚的朋友, 如果大家想望子成龍, 係考慮自己兒女咩星座之餘, 都可以加埋依個考慮因素落去諗下小朋友幾時出世.
Quote
“The professional hockey player starts out a little bit better than his peers. And that little difference leads to an opportunity that makes that difference a bit bigger, and that edge in turn leads to another opportunity, which makes the initially small difference bigger still – and on and on until the hockey player is a genuine outlier. But he didn’t start out and outlier. He started out just a little bit better.”
