可能備了課, 今天上堂覺得很悶, 下午堂都係度釣魚. 諗緊今晚去唔去 TNDC (MBA Thursday Night Drinking Club). 問下同學, 佢地有 d 話 Crash 左日本文化學會的 Welcome Party. 比較起去 TNDC 去到劈酒 + 死跳爛跳 + 搭廿蚊的士回家 + 第日頭痛眼花, 去日本聚會有壽司食有 sake 飲又可以識人又有車回家, 很是不錯. 個 event full 晒但係運用日本 exchange 的關係我還是擠進了.
放學四點半, 個 event 八點開始 (在 Downtown), 連帶著昨日的思維, 我放下了書包唔溫書便早點出去 Downtown 走走. 輕便的我沒有戴袋沒有相機, 搭了十幾分鐘車出了城便去遊客地標千禧公園看看, 偉大. 走多兩走看到芝加哥藝術館, 本想就咁門口看看. 原來星期四晚是免費入場, 便入去看看.
藝術館收藏不少, 但裝修很新淨, 很似 office, 始終缺少了羅浮宮般’歷史’ 感覺. 幸好的是這裡沒有很多中國國寶, 不像大英搏物館般強搶了極多我國珍藏. 遊畢藝術館便去了中心區, 這裡路闊 (有點像東京銀座區), 店舖樓底有三層樓高. 但是店子沒有令我走進去的衝動, 都是 Old Navy / Foot Locker / Body Shop等品牌. 也沒有香港人愛戴的手袋牌子. 街上耐唔耐有黑人企係度問人乞錢. 行到咁上下便搵路去聚會了.
聚會是在 Aqua Tower 舉行, 這裡很美, 外表望落去似中環的 office building, 其實是 service apartment, 我們在 club house 一間房進行活動. 因為很多人遲來, 準時的我可以食盡美食. 佢地叫了十幾盤外賣壽司, 味道不錯 (板前級數), 有炸餃子, 也魚目混珠地加入了泰式炒面和港式燒賣等. 有 Asahi / Sapporo / 麒麟啤同埋五六枝 ‘乜乜大吟’ 的 Sake. 大家傾計交流, 識了一些朋友, 內容如下:
- (FAQ) 場中有十個日本人左右, 九成是男性
- 和好多 FullTime 一樣, 日本人 A 在DownTown住. 而且住這大廈, 月租二千多元都唔覺得貴
- 有數名法國同學, 他們對日本文化的熱衷是想象不到. 由細到大看的日文動漫比我還多. 細問之下法國有不少青年被日本文化強烈感染, 香港有的 動漫祭/ COSPLAY/ 北野武影展 法國都有. 法國同學仲識唱日文歌, 同埋會去日本 Exchange. 看來宅男A除了在香港 COSPLAY 扮高達外可以到法國搵食. 為什麼法國同日本咁 Friend? 因為佢地唔肯講英文? 因為佢地以為自己係比其他國家專貴? 因為佢地D男人都係浪漫(咸濕)?
- 聽外國人之間的畢業後 Planning, 有的說要留美搵工, 有的說回老家. 不多人說要到中國/香港工作, 原因是很多公司都要佢地講普通話. 但佢地都想去星加坡, 因為當地真正兩文三語, 政府又吸引外資 Consulting Firm / Financial Firm 設 Office, 仲有當地有很多懶人 package 優待外國人搵工/做野. 香港和星洲都是彈丸之地, 但在這些 Top Gun外國人心中 香港Ranking 差的遠了. 看來政府快些平定內亂民生想下點樣吸引多D賢才吧.
- 同胞 A 說我的衣著和手錶很有品味.. (咁多日本型男係度咪對住我吹水啦)
- 同胞 B 又是讀 Computer Science Undergrad, 去了加拿大生活四年, 問他畢業後有乜打算, 他說苦惱. 以為他搵不到工, 他說是 中金CICC (中国国际金融有限公司) 和 Morgan Stanley 都比 Offer 佢, 唔知做邊度好. 佢仲話 UBS 同 中金 而家要請好多亞洲/中國人, Forward 左兩個 recruitment talk 叫我去云云…
- 日本人 B 好日本仔 Feel, 個子不高又好後生 (廿六七歲). 原來是年輕才俊, 來這裡之前又係 Morgan Stanley – Investment Banking Dept 工作, 畢業後想去波士頓找工, 第二 choice 來香港, 最 ‘WORST’option 是回大摩… (慚愧)
- 日本人 B 帶埋老婆黎, 老婆似公司舊同事 Rebe, 但她小鳥依人一樣全程痴住老公囉野佢食, 冇乜出聲但好大睇. 佢跟埋老公過黎芝加哥自己學英文. 對比我一個人過黎, 這對小夫妻的人生是很完美的 (世界級年輕才俊, 有愛人相伴支持照顧..)
- 講開香港, 外國人好喜歡食港式甜品 (楊枝甘露果類), 這是香港之光~
