上星期放底左所有野去玩, 估唔到琴日同埋今朝兩日超集中精神可以追番晒一週的進度. 看來人類的極限都是迫出來的, 經常話自己好忙的人只係未有發揮 efficiency (這句話打倒埋昨日的我).
大家仲係忙星期六 Halloween 著咩服裝之際, 今日收到兩個消息…
第一個係收到一個唔識的同學既 email (有人留意我..?), 話有 Full-time MBA 的廣東話/香港人係 Halloween 果晚聚會, 去 Chinatown 食飯之後唱 K. 看來不想去 halloween party 的我是一個 good deal. 因為我係班中都有見過中國人, 但係都唔知佢地係 ABC/大陸/或是香港人. 講真, 係度識 MBA 香港人對將來幫助一定好過識鬼仔. 聽約我個人話數個女仔去 (e.g. Sammi), 芝加哥危險, 又飲酒又玩, 回家時可能有安全問題. 見佢地係香港同鄉, 多一個男仔去點都會安全一點. 我答應了.
第二個收到的係總統奧巴馬突然會係 halloween 果日 16:00 – 21:00 去我宿舍對面做競選拉票活動. Exchange 同學們都很興奮, 都發夢會否總統入黎我地宿舍玩或參加 halloween party. 我沒什麼, 只求見佢一面同埋影下相. 時間都幾 match, 我四點去留到六點半走人去 ChinaTown 玩, 多充實.
搭單講埋, 今日收到的電郵係美國感恩節 (11 月尾) 有個比國際學生參加的 homestay 計劃. 參加者會去鄉效的美國家庭住幾日, 陪下佢地食大大火雞餐, 去下瘋狂大減價等等. 費用只收 25 蚊行政費, 上星期同 d 蝗虫食餐海鮮都冇左. 聽聞感恩節係美國算大節日, 我都想去感受下他們的文化. 希望去到佢地會錫我吧.
