是日 Day off 但係用了一大朝時間執相同埋補番未寫的 blog, 整得靚仔仔的. 下午出了去和德國仔傾 project (個肥仔 Penny Hardaway 唔知死左去邊, 之後 email 問佢又耍太極). 傾完 project 去了看獅子王 Musical. 原本小弟是本次節目的攪手, 有十幾人想去但係 Quota 得四個, 我連自己個機會都放棄. 幸好最後班 Full-time 要見工 FREE 多兩張飛出黎, 我用學生價 $35 買了. 比 SB 蘇格蘭仔點醒左我, 我唔使對組員咁負責任, 有時間咪玩下囉..
同六七個同學搭車出 downtown, 我同佢地講感恩節去美國家庭 HomeStay, 佢地都係度笑我. 一來佢地唔鐘意美國家庭 (基本上班歐洲澳洲仔都唔太鐘意美國人), 二來話我隨時要凌晨十二點出去陪 Host Family 零下十度情況下係門口排隊到七點 Thanksgiving Crazy Sale (就好似動漫節或者排隊買 iPhone4 一樣). 佢地話想去 Vegas, 德國仔越講越起勁, 話不如兩日後發過去 (週五晚飛星期一番). 仲要好白痴咁講到點樣賭到變百萬富翁同埋去邊度睇 Stripe Dance (Stripe Dance 係乜自己查). 又話機票同埋酒店加埋消費唔使七百蚊, 講到回家要立即上網買飛一樣咁…
講講行到 Theatre, 係出面影左幾張相就上樓. 上次睇完 Billy Elliot 場廢片後心諗 Lion King 應會仲廢, 不過叫做 experience 下咁話啦.
咁上次去睇 $42 蚊都要坐最高果行既角落頭, 今次 $35 仲要係學生飛應都係果度. 叫晒成班人上晒最高度入去, 點知入到去比個黑鬼女人串我話我唔係依度入. 原來我張飛係上層既第二行, 個位超近同超好景. Chicago Booth 學生平價包左全個靚靚區域.. 頂, 中大學生係香港一定冇咁既著數.
唔計坐位, Lion King the Musical 都好好睇. 一來英文易聽好多, 二來我三十年前睇過 Disney 果套卡通片大概知故仔講乜, 三來 d 動物神態都好似, 四來野外非洲型式音樂我鐘意聽 (似 R&B..?), 五來係有明顯壞人角色分明等等..
故事唔使多講, 都係典型奸皇叔殺左皇帝之後踢走小獅子, 之後小獅子大個回去報仇再完美大結局咁上下. 唔知係咪個場多小朋友關係, 好古怪地每次間場都有人係咁拍手.. 我呆了, 這是 Musical 嗎?
回家去了那間成日講廣東話粗口的中國餐廳叫外賣. 今次不是經常粗口溝通的兩公婆, 收銀的似是一個後生的女生 (都係中國人), 我排隊果時發覺佢望了我很多次. 到我了, 用英文點野食後比錢. 7.5 的飯比了 10 蚊紙, 但佢找番 12.5 比我. 是否佢太忙? 還是我的問題令佢不能集中精神? 走果時我望佢一眼, 佢又係望住我. 拿了她十蚊我好 guilty 為左要令佢賺番果十蚊, 我以後會多多幫襯..
回家上網看 Vegas, 周五去的 package 要 700 蚊, 兩星期後只是 450 蚊.. 行動取消.
