睇 Notes 睇到想嘔, 雖然只係 50 版, 但係一分二仲要字細到要用放大鏡先睇到. 真辛苦. 晚上如常六點出去傾 Project, 點知醒唔起個鐘要較慢一小時 (因為美國有 Daylight saving), 差 D 做左蠢豬出到去要呆等一個鐘.
出去傾 Project 又係 HEA 到爆, 以色列仔話要早走所以大家都好快就傾完. 沒乜特別.
臨走果時以色列仔話同德國仔兩個去 Vegas, 但係唔係 Thanks Giving 果時去, 而係之前一個星期去. 我聽到依個消息之後眼睛又發光了, 即時上網 Check 果個星期去機票連三晚 MGM Grand 酒店只係 $550 蚊 (一人一房). 如果有同房的話 package 每人 $430. 價錢還不錯的. 據知有某異性同學都想去但係我唔理咁多, 自己 Book 係咪都 Book 左先廢事尷尬. 最好當然有男仔同我同房.
回家時 Call 車搭 Safety Ride, 去到某個站時見到有同學追緊車. 我叫了司機停車, 上車是一位中國的女生. 一直我只係同蘇格蘭仔傾計冇理車上其他人. 落車時發覺佢同我入同一棟宿舍, 又會咁橋的. 係門口吹左兩句, 佢多謝我叫停部車比佢上, 再傾再傾原來佢住我果層隔幾間房. 她過來讀一年讀任麼 Financial Management 的. 打過完場便各自番房了. 我在這裡住咁耐總算識到鄰居.
因為手多關係開了外匯倉仲要巨虧成皮美幣, 沒辦法唯有守夜救倉. 上網查下查下看似去 Las Vegas 的順道去埋大峽谷都不錯, 有個超貴又唔比人影相的 SkyWalk 走出去. 講真黎左個幾月見到同胞們同埋日本朋友們都半放棄學業周圍飛, 自己學業都捉到路用 80/20 的方法黎讀, 加上我放棄了餐餐煮飯每日囉番好多時間. 見到紐約去費城/華盛頓/尼加拉瓜大瀑布搭巴士很平 ($10一程) 很近 (3-4小時)
唔知得六日可唔可以完成以下行程…?
Chicago 飛機 -> 紐約
紐約 (MegaBus 巴士) -> 費城
費城 (MegaBus 巴士) -> 華盛頓
華盛頓 (MegaBus 巴士) -> 紐約
紐約 (xx 巴士) -> 尼加拉瓜 ->紐約
