MBA 有一大班鐘意玩的同學, 唔理讀書幾咁辛苦, 每星期四都會出黎劈酒. 我地叫 Thursday Night Drinking Club (TNDC).
我每次都很想去, 但開頭幾星期又唔識人, 有 exchange 去到又冇人理, 自己功課同生活又未攪得掂, 很多籍口沒有去. 之後解決了這些難題後, 佢地 TNDC 的簡選的地方又遠到九彩, 搭的士回來又很貴. 攪下攪下我剩番係度的星期四只有五個, 仲要有三個係 schedule 左唔係芝加哥. 所以點都好, 都要去第一次 (同埋最后一次).
今次佢地係 downtown 度攪. 都有好多 exchange 去. 澳洲鬼仔話間 pub 飲野好貴, 不如黎個 European Style, 出去之前兩個鐘幾條友去佢屋企 pre-party 傾下計劈下酒先. 佢講的正中下懷, 唔理咁多去了.
開頭我話冇人去我都會一個人去, 同澳洲/巴西同學傾下計 (之前係佢果度過過夜, 所以無所謂). 後來越來越多人了, 最后有七八條仔去左. 加埋佢的泰國女 Roommates 有時走落黎一齊吹下水, 好不熱鬧.
飲野傾計天南地北, 佢開學前去左 Las Vegas, 介紹左好多 ‘好玩的地方’ 給我, 話賺到錢的話一定要消費下. 好玩的地方有很多, 其中一個就係玩燒真槍, 佢囉左枝真的 M4A1 玩, 一個彈盒要一百蚊美金. 燒槍=燒錢. 但真的很過癮. 講兩講原來佢都係 Call of Duty 超級 Fans. 我一直隱藏我愛打機費事被認為電車男, 原來佢地都玩得好顛的, 太好了!
講兩講佢地講到係中國乜都可以食, 食貓肉狗肉猴子腦等等, 佢地問我有冇食, 我聽到都毛管動. 講講下佢地話組團去泰國, 澳洲仔話係泰國常客, 我話我都係喎, 每年都會即日來回拜神. 我諗下次去時有人一齊去玩了, 唔使即日來回. 巴西同學話四年後巴西世界杯佢會帶我地周圍玩, 麥西哥同學話如果我去佢麥西哥出 Trip (麥西哥 Data Centre 成日有野求助我地, 我地耐唔耐就派人過去 Station 一陣), 佢阿妹可以照顧我.. 沙地同學話我去到會帶我去一些地下 party 場. 很可惜我在香港不是自己住, 否則我可以留間房招呼在這裡識的 exchange 同學呢!
飲到 high high 地, 一行人搭地鐵去酒巴. 全部人很壞孩子地一張飛兩個人咁過閘, 感覺很學生 feel.
去到果度, 間 pub 比 Chicago Booth 的人迫爆晒, 很多都是熟口熟面的但冇同佢地傾計, 自己英文不好無謂溝女了, 我介紹了沙地同學比一些我識的女同學, 他很高興. 我飲了四杯野但唔知點解只比了兩杯錢, 仲唔知點解同個黑鬼大舊保安傾左好耐計? 我記得的就是澳洲ABC同學好勁見女界之後攬住影相. 最后一行八個人上了大的士回家, 澳洲華人落左兩次車係咁嘔, 最后唔知車費幾多.
