今天花了點時間預備下星期的課堂. 發覺星期二的吹水科比其他科少左一堂, 變相下星期二是最后一堂講課 (再下星期是 presentation). 而下星期又唔使交功課, 這科都唔使花時間 (苦盡甘來?). 下星期四果堂 Finance 因為 Thanksgiving 要推后一星期, 變相又唔使做野. 所以時間多花了在很難的 finance case study. 下星期的 case 又煩又難, 要睇兩個 case 夾埋60 pages. 幾經辛苦睇完. 心諗花時間比 input 又會比蘇格蘭仔 override, 還是做衰仔由得佢了.
看看日曆, 原來我留在這裡只有一個月左右, 話咁快過左兩個月. 好像沒什麼特別事發生過似的 (或是我記憶力差忘掉了). 還是登入公司網絡, 聯絡了在芝加哥的舊鬼婆老細. 看看何時可以約佢食飯幫香港公司囉番借比佢的電話和 notebook. 看到公司 mail 好像好幾位同事都有古怪的病, 要突然入醫院休養果隻, 希望佢地早日康復. 突然奇想, 在這裡天天上學見到的同學. 個個要做 CEO 要征服世界. 有時人點叻都好, 面對死神同病魔都是無能為力的. 自己生病死左沒問題, 最怕就是將會成為爸爸媽媽果 d, 責任很重大, 所以有時還是要取捨一下…
講開生病, 我離開香港後, 好多好友都告訴我我走咁耐佢地就病足咁耐, 我心諗這些都是逗我開心的說話, 我不會信以為真的.
但是我離開了香港一陣子, 有時看看香港報紙新聞, 以外星人老遠角度看香港人, 真的有點不明所以. 例如我真的不明白為何那個清明上河圖會令香港人這麼瘋狂 (對不起, 我只是不明白, 不是冒犯去左睇的人). 排到隊, 買到飛, 去到影完相都要 post 上 facebook. 同樣地, 天天看到的都香港新聞是買唔到樓, 樓價好貴的新聞. 連明報即時新聞都 live 咁每日十個八個報告邊度邊度樓成交左, 幾多個星期獲利幾多成等等. 香港密集, 地少人多, 傳媒同個人 network 的風氣很易傳染到全香港, 活在香港時間久了, 道行幾高的人都會被感染/同化. 有時香港人擔心依樣擔心果樣, 本身無事的, 但身邊個個日日係度講擔心買唔到樓租唔到樓, 又話仔女讀唔成書做飛仔老泥妹, 整到自己都擔心埋. 擔心咁多, 心情唔好, 會容易被病魔佔有的. 更甚的, 步日本後塵, 工作壓力超大, 性生活頻率全世界最少之餘 (依樣對狗公很重要), 自殺率也很高. 幸好香港還有高登這些次文化可以令很多人苦中作樂. 我不知香港人身處其中聽唔聽得明我講乜, 但我想表逹的是大家可以有自己的想法, 社會上好的東西要跟, 但負面的可以獨立思考一下是否自己要被感染.
我都病足咁耐喎，咁你信唔信？