落車搭的士去酒店, 條隊打蛇餅咁行左五六百米, 晒時間又老土. 機場沒有公共交通去賭場區所以的士真係好好賺.
去到酒店又唔知點解要收多 33 蚊, 真係好搵笨. Check in 果時隔離有個女人係咁小, 話比左兩間房佢兩間房入到去都有人, 心想已不妙. 上到房間, cable 上網係唔 work. 十點半打電話 front desk 竟然出電話錄音! 打左幾次, 又駁左幾次去電腦部, 終於叫左個人上黎睇. 上黎睇完, 都係叫我用 wireless 上就算, 佢話個 ethernet 只係一個將 wifi signal 變做 wired, 所以用線上網唔會快過 Wifi, 我一句回應 ‘stupid’, 唯有唔好咁高要求吧. 房間沒有一枝枝的水, 沒有牙膏牙刷, 沒有拖鞋. 要打去 frontdesk 叫人囉黎, 唯一好處是個 housekeeper 送左枝定型水比我. 我相信依 d 野唔會係四星級酒店度發生. 莫非因為 MGM 十一月頭申請了破產保護?
對於經常流浪住慣床位 (甚至在日本住網吧過夜) 的我, 這房間已很滿足, 張床比我宿舍果張仲要大一半. 三個東方人訓都唔會掂到大家.
安頓完都十一點, 到了附近行走一番. 像迷宮一樣的賭場已是 expected 沒有意外. 這裡每間酒店都有些 attractions 吸引遊客. 大多數都是係晒一條街 Las Vegas Boulevard (別名 Strip), 我由街南至街北數一數吧:
- Mandalay Bay 有水族館, LionKing Musical
- Luxor 有獅身人面像, 金字塔和 Titanic 展 / 人體奧妙展
- Excalibur 有城堡景
- MGM 有獅子睇, CSI 體驗館, 太陽劇團的 KA, 大衞高拍飛表演
- New York New York 有過山車, 紐約橋和全紐約風景
- Bellagio 有我最喜愛的超級噴泉, 太陽劇團的招牌 “O” Show
- Paris 有凱旋門和鐵塔景
- Flamingo 小的野生雀鳥園
- Caesar Palance 有大 shopping mall “The Forum”, 有 “Fall of Atlantic” show 同埋好多好咸濕的雕像
- Mirage 有火山爆發
- Treasure Island 有索女海盜 Show
- Venetian 有條威尼斯河 (同澳門一樣)
- Circus Circus 有好大的兒童樂園 (我好鐘意)
- StratoSphere 有東方明珠塔, 塔頂有恐怖機動遊戲
另外每間酒店都有一個結婚教堂比人結婚 (平到 $60 USD 可以攪掂)
酒店迷宮行了一會, 手痕賭兩舖, 見到 MGM BlackJack 最細注碼要 $15. 我坐了張 Single Deck (得一副牌) 的枱. 心諗我同荷官一對一, 我數埋牌 (之前同死鬼朋友過澳門都係用依招, 輕輕賺到當地消費) 心諗 OK. 點知咁都可以連輸成十舖 (我好保守沒有爆煲, 莊家 16 點幾次都可以變 21 真係冇計) . 既然黑成咁, 唔玩了出去行下影下相.
Vegas 所有消費都好高, 一向 backpacker 性格的我都好難避免消費. 買枝水都要三四蚊美金, 搭程巴士要五蚊. 香港來芝加哥物價已經漲了幾倍, 芝加哥來這裡又要漲多了一倍. 簡直就好像 Inception 一樣時間每下一層就會多十二倍一樣. 再者來自香港到芝加哥, 再由芝加哥去 Vegas 的我, 感覺是特別的, 到底我的家是在芝加哥, 還是在香港呢?
