由於飛過黎賺了兩個鐘, 所以夜訓夜起. 起身去了試下出名的 Buffet. MGM 的 Buffet 可以自助買票. 最抵死係佢問我比幾多 TIPS, 有一格係 ‘NO THANKS’ 我好衰咁簡左果格 (我係你地賭場輸左舊幾水仲要比 TIPS?), 埋單連稅 $20.5. 入到去以為有網上所講的亞拉斯加皇帝蟹食, 點知要晚上先有. 野食唔算好食, 廿蚊美金唔好要求咁多. 好采有三文魚壽司同埋雪糕, 都算食飽.
食飽出影相, 天氣十分好又有 blue sky, 加埋極度人工化的 Vegas, 風景很美麗. 去 Vegas 夏天到十月熱到死, 十二月到二三月又成日落雨, 所以最好時間是十一月去的. 這個經驗我事前都不知道.
影影下相兩位同學到了 (我早他們一晚黎), join 埋佢地一齊行去 Paris Hotel 食野. 因為我已食飽, 所以我約叫他們食完打比我, 我在附近等他們. 在酒店行到無聊, 入了張廿蚊紙落老虎機諗住慢慢玩等佢地出黎. 玩得有贏有輸. 廿蚊玩晒了, 看看時鐘, PK!! 只是過了十分鐘. 大先囉果廿蚊同佢地入去一齊食仲好. 此故事教訓不要係 Vegas 的酒店耐等人, 要等人一定要出街度等 LOL.
我地一行三人經過 D Local tour 既檔口, 問下佢地關於去大峽谷既直昇機 package. 本來我想幫手做講價的, 點知一向老實爽快的德國仔一開波就話自己係網上睇到咩咩 package 幾多錢云云, 實行一輪強攻. 講了兩間, 到一間真係有興趣的, 就講價講到牙血都出埋, 最后平左10蚊位 (三百二十蚊全包價). 我冇乜點出聲. 反而我有興趣去大峽谷坐直升機跳降傘199的 package. 不過都係下次先.
街度成日有好多鬼五馬六的人係度等人同佢影相收 TIPS. 有點似倫敦的 Covent Garden, 很有趣的. 這邊街頭沒有芝加哥果 d 成日問你囉錢的黑人, 我都很放心囉 iPad 出黎睇地圖同埋囉住部相機周圍影.
Bellagio 的噴泉真是很偉大, 可能我深受 Ocean Eleven 最尾果幕的影響吧. 噴泉平面面積仲大過酒店用地, 很是浮誇. 我在地面用 24-70mm 的鏡衰是不夠 wide. 最靚的還是在天上影下來式用魚眼鏡影. Vegas 的街景, 真的是要白天影一次夜晚影一次的, 因為完全是兩個 view 黎. 夜晚燈火通明好靚的.
行行下我係街地比個著晒 full suit 既黑人吸引住, 因為佢囉住個箱 (好似香港賣老番果 d) 入面放滿晒各大夜場的 Free Pass / Free Drinks. 其實我地行酒店有時都會比 d 人送果間酒店夜場的 free entry pass 比我地, 我諗黑人們就係搵辦法集齊晒所有酒店的 free pass 之後就囉黎做生意. 佢比左六七間正經/唔正經夜場的 pass 我地, 一直講 FREE FREE FREE 但係到最后話每人要比十蚊 TIPS 佢. 浦精以色列同學話係一個 good deal 因為冇 Pass 的話入場費都要30蚊唔包野飲. 德國仔唔係好信 D Pass 真偽又 challenge 一番, 黑人好攪笑話自己著晒 full suit 日日賺幾百蚊 (囉左疊錢出黎), 有乜問題可以聽番去小佢. 最后見佢咁多野講又算有誠意都係每人比左,
行到咁上下, 佢地要回酒店, 我都要放下相機準備去 Bellagio 看 O Show 同埋落 club. 搭的士回去佢地又 challenge 的士佬行第二條路, 黑人的士佬一句 ‘I am a taxi driver for 5 years’就無聲出. 有時我覺得佢地去玩乜都 challenge過份左一點.
回酒店訓了一會, 點知訓過龍了, 跑住咁過去 Bellagio 差點遲到唔比入場. 依個 show 好多好多人 comment 係必睇, 所以我個幾星期前就上網 book 了. 入到場, 我個位係正中間, 坐的 limited view seat 只係十呎前有幾條半吋粗的鐵線係度阻住. 真係無傷大雅, 見到我隔離果個比 160 蚊我只係 90 蚊, 覺得真係好 good deal. 人家說澳門的水舞間是抄佢的, 我未看過所以不知道. 太陽劇團 (前名索拉奇藝坊) 很出名, 我 MBA 其中一個 case 都講佢地如何成功的.
講番個 show 算好睇, 但係我個人角度黎講唔算係必睇級數. 個 show 運用好多顏色上的元素整到好色彩斑斕. 個舞枱都好靚, 大水池隨時可以變小水池又可以變番陸地. 這方面比足十分. 但是個人的 performance 方面就要扣分, 因為好多其本的動作都做得唔齊, 有個別人士 0.5 秒的 delay. 鬼佬拍晒手掌的花式跳水/軟骨功/雜耍其實中國求其搵個三流的體操選手/跳水選手都做得晒. 看雜耍的整齊度, 中國人還是有如機械人一樣準 (我又想起我國國慶閱兵果時 d 軍人操兵齊到似用電腦 3D Render 出黎一樣). 個 show D 人穿著得古古怪怪的 (似大內密探零零發, 周星馳去西域見到果堆怪人果幕), 冇乜故事可言. 票價打過七折的話就值得.
睇完劇之後到十一點半, 行了去 Wynn 的 Tryst Nightclub join 佢地 (Nightclub 即係香港的 disco, 沒有色情成份. 有色情成份的叫 Gentlemen club 或 Strip Club). 我係度排了成個鐘頭隊, 不段見到有係我後面的人運用不同方法同保安講完野就可以 fast path 入場. 我 d 沒有勢力又沒有錢的唯有眼巴巴睇住人地一個一個打尖. 間中有鬼仔嘗試沖破防線但都比保安踢番去我果條隊果度.
等左一個鐘, 入到佢同德國仔佢地傾, 佢地都係一樣等左一個鐘先入到. 個場算大又靚, 仲有個大瀑布係後面, DJ 打歌又正, Bass 又勁. 多年來我的 clubbing 城市排名榜要改變了 (之前第一是南韓, 第二是星加坡…). 這裡的男女都比其他地方的來得開放, 而家不會介意, 唔理你廿一歲定四十一歲, 瘦骨精定係250鎊的吊帶背心短裙 Fat Chick, 都可以和其他人一起玩得很開心 (對, 250 鎊的肥西), 我不知這是西岸文化還是 Las Vegas 遊客多, 但這裡人人都很開心, 氣氛很好.
跳下企下, 睇到很多鬼仔的溝女技巧都是千篇一律. 聊一兩句, 之後好放咁跳下, 用下個 pet pet 隊下人地之後就可以攬住跳. 有點像係狗公園所有狗都會追住他狗仔 pet pet 聞下聞下一樣.
我跳跳下行埋左 Bar 枱附近休息, 隔離有枱為數六七人成熟女性開了兩三枝酒. 我想她們都是三十五六歲, 簡單來說, 很是 Sexy and the City 果幾個女人 feel. 其中有個金髮女人跳得好開心撞到我兩次, 又聊下我傾計咁. 以色列仔話叫我唔好企開, 佢撞到你第三次就會有野’補償’比你. 我一笑置之慢慢行開左.
跳跳下德國仔唔見左, 我同以色列同學想搵埋佢一齊走, 點知發覺左佢係度溝到條女又攬又錫, 心想佢都係唔會走的了. 我地等左陣, 都係自己搭的士走左, 的士佬係咁叫我地去 Strip Club 玩下, 我費事煩話我地 Married. 佢仲話 ‘Come’n your are married but your are not dead!’ 仲係咁係度 sell 煩到爆. 真係教壞細路
回酒店時我同以色列仔講如果德國仔同條女番黎踢你走, 你可以打比我黎我度訓.
