Holiday mood 真係無乜心情向學, 今日十點起身執野去 HomeStay program. 本來都無乜其望的 (因為問過 exchange 同學同埋 local 人都係唔多睇好), 所以覺得都係錯誤選擇. 不過如果去旅行又要洗錢, 去依度零洗費是唯一優點來的.
出門口時都是求其執了D野, 想囉行李但係都係算了. 好似好大陣象咁. 食過公仔面, 出門口, 又凍又大風. 行左才兩步, 落大雨了! 想行番轉頭囉遮, 但感覺有點古怪咁. D 雨打到塊面痛的, 但係又唔濕.. 是什麼呢? 看多兩看, 地下咁多冰碎的? 原來囉冰薄.. 唔理咁多都係上了巴士去 homestay 集合地點.
去到集合地點 (i-House), 首先登記, 之後知道自己會同其他 exchange 去了一個叫 Prophetstown 的地方, 果度係係芝加哥西面, 唔塞車都要兩個半鐘先去到的. 係果度都識左幾個其他 international student. 有俄羅斯的美女, 另外有好多中國人. 同左個中國女人傾左幾句, 佢話我普通話講得不錯, 我說不要笑我了, 她說我講的她都聽得明白, 還不錯的.
我地有六組人去六個唔同地方, Prophetstown 果組有十個人, 組長是一個老女人. 和我們攪氣氛又同我地傾下計. 很 nice 很有活力. 因為有好多其他人都兩公婆或一家大細去, 我就問下同我去果位同學係咩人先. 問完先知我會一個人 stay 係一個家庭度, 唔使同人 share. 佢仲話我個 host family 係一個後生家庭, 有三個小朋友. 大仔11歲, 二仔7歲, 細女3歲. 他們準備了好耐, 叫我唔好早走, 去到唔好成日傾電話同 text. 我開始覺得這會是一個不錯的旅程.. 上車和一個南韓靚妹坐, 前面是一個日本中女. 本想同佢地傾下計但係我要忙打 blog 所以都無聊佢地. 去車上幾位組長都有介紹下自己同埋依個計劃, 佢地話個計劃攪左52年 (我老頭老母出世前已有). 今年果個就六月已開始籌備, 話要搵人 sponsor 旅遊巴錢同埋其他配套等 (我只係比左廿五蚊行政費). 我心諗佢地真係囉個心出黎攪的, 不是那些為錢做 homestay 果 d..
到了 Prophetstown, 見到我的 host family 了. 他是一個肥叔叔, 太太是一位美國女人, 三位小朋友都係度. 肥叔叔的父母都係度, 佢地係另一個 host family. 仲話我聽日都會見到佢地~ 小朋友話要幫我囉袋上車, 但我個袋又相機又 notebook 好重我唔想重死佢所以只比一個細袋佢囉. 上車後他們帶了我去一間 pizza 店食野. 在車上傾了計, 父親是在一間建築機械公司做設計師, 母親全職照顧小朋友晚上 part-time 番 wal-mart. 小朋友頑皮但都算乖 (但係車上鬥放屁), 我最鐘意係 3 歲的小妹妹 Gracelyn. 講好多野又可愛. 人地囉黎查面包的牛油佢一舊一舊就咁食. Cutie.
食完去了超市買野食準備 thanks giving 大餐, 佢地問我想唔想煮野食, 我煮唔煮都得, 但係係超市真係搵唔到中國餸菜材料! (在芝加哥我都要去 china town 先搵到). 所以都是不煮了. 那裡買的野都超級平! 我屋企樓下超市埋的磨姑罐頭湯要 1.49 一罐, 依度 0.88 兩罐! 仲要依度稅得 6.5% 果度要 11.5%! DownTown 食水咁深整到我番到佢真係唔想再買野.
回程時見到有間屋有火, 佢地話琴日間屋燒通頂救熄左. 但今日又有番火, 佢地特登駛番轉頭搵屋主, 又打電話叫人幫忙. 但係間屋無人係度, 唯有由得佢燒 (反正已燒通頂). 我覺得都不錯的.
他們渣車渣了很久, 去到沒有街燈的地方, 之後連屋都無的地方, 黑到乜都睇唔到. 最后到了, 真是很鄉村, 那裡最近的鄰居渣車的話都要兩分鐘先到. 落到車, 有很多貓仔係車房度, 很可愛的. 佢地唔比貓仔入屋, 要佢地係0 度低下捱凍, 但佢地沒有什麼問題. 問多兩問佢地養了兩仔狗, 一隻金毛, 一隻好細果 d 狗(類似芝娃娃)十三歲了, 另外有四隻唔夠一歲的花貓同埋一隻好肥的免仔. 除左隻老狗之外全部都係室外的. 小狗很乖又唔會汪汪叫. 花貓又爹人真的很可愛.
唔好睇佢地住果度荒無但係乜都有. 有個好亂的車房, 地下有大仔房同埋一個裝修緊的廳. 果度都有二千幾呎. 地上面有客飯廳同埋幾間房/廚房廁所. 裝修好美國人屋企. 又是幾千呎. 我想他們是小康之家, 屋企有四五部 50 吋以上的薄屏電視, 小朋友都有好多玩具遊戲機等. 我睡在細女的房 (細女去了阿哥度訓), 全屋感覺很舒服.
聽了芝加哥鬼婆老細話唔好係人地屋企勁影相, 所以我都沒有囉相機出黎.
