早上起身沒有什麼心情溫習, 花了個多小時, 草草地 Book 了華盛頓和紐約四天遊的旅館後, 發覺 Las Vegas 果七百張相真的沒有時間執. 可能要等番到香港先有時間 upload. 去 host family 沒有用自己相機影相, 始終係果度囉咁大部相機出黎又要花一輪時間解釋云云, 再者出出入入都是人地屋企, 影人地相好似不太好.
還是很辛苦的看完 Case Study 出去傾 Project. 今次輪到澳洲仔缺席因為佢 Thanksgiving 去了新奧爾良未番. 蘇格蘭仔主導之下依個咁難的 case 總算有野交到功課. 平時做開秘書的澳洲仔缺席, 我同以色列仔都要出多一分力做 written part.
回家時無聊想, 我還有一個多星期便考完試, 第二日便立刻飛去華盛頓紐約. 回來之後訓一覺便回香港了. 變相我一有空便要收爐執行李. 麻煩來了, 我不知道會否過磅, 因為來美國時已兩個行李 x 23kg. 我極其量可以掉左帶黎既 Notes. 但我都唔知可以減到幾多磅. 依度都買左D野, 有幾本好厚的 course notes 好有用我不想掉了它們 (100蚊美金一本). 看來寄番香港就點都要, 而家就係怕寄完番香港行李仲會 overload. 所以我需要一個磅磅下重量.
問題來了, 幾天前在宿舍貼了大字報尋找磅, 現在都沒有人回應. 問過買開野的 dollar shop, 佢話好多人買完磅完就 refund, 所以佢地唔入貨. 而家我可以簡的就係 1) 去超市買一個 (要 25 蚊) 用完後 refund. 這是衰仔的行為. 2) 去恐怖的 homeless 黑人圈子尋找舊東西 (好似去鴨記街邊尋寶咁). 時間無多, 要做一個決擇.
今天照鏡 Gel 頭, 頭髮改經 Gel 唔起, 髮型已由啓介變了拓海. 為免在他鄉自殺, 都係唔好囉男人最重要果度黎 take risk. 留番回港第二日立即飛奔去元朗執執佢. 三個月不飛髮是一個新的紀錄!
