好 Holiday Mood 地好想放棄考試. 但是當然唔會啦. 中午時又收到學校 email 高調地宣揚 Bloomberg Businessweek 兩年一度的 Top Business School 我地又囉全世界第一云云. 我黎左三個月, 依 d 咁既email 都唔知收到幾多次, 沒有什麼感覺了. 很可惜的是, Even全世界所有權威性雜誌都 rank 你地第一, 很多朋友親戚 (唔止單止住香港果 d) 都唔識芝加哥是什麼東東.. 十個有九個以為哈佛 / Stanford / 賓周 / MIT 這些才是世界第一工商管理學府. Anyway 所有這些學校啤出黎的都是一些滿身銅臭 / 資本主義的豬 (此話出自克勞薩二世)..
約了同學 16:45 – 18:45 一齊研究一下 exam case study. 去到蘇格蘭仔同以色列仔講講講去 San Francisco 講左成粒鐘先入正題. 無計佢係勁人要等佢講完開心野先, 畢竟 exam case 應該自己做佢無責任教你. 傾下傾下過晒鐘, 約左日本同學去佢個 farewell dinner 都要甩底了, 唯有比個機會下年去日本搵佢同佢補番吧. Anyway 四點九傾到九點九 我地成份 case 反轉黎研究所咁滯, 非常 detail. 傾到九點九大家餓到諗唔到野所以留番星期一再傾. 我好掛住中國野食所以話不如去 ChinaTown 飲夜茶, 澳洲仔同以色列仔都同意但係蘇格蘭仔唔想. 無所謂的最后去左附近的西餐廳食了白汁意粉同埋 BBQ 雞翼, 都非常好食仲有得打包.
走果時又開始落雪, 起初以為係塵 (笑死), 之後越落越大. 落左唔夠一個鐘地下開始白晒, 很興奮地影左幾張相, 心想咁落法明天一定有得玩雪人~~
