考試三點鐘, 繼續好大壓力地溫習. 溫溫下懶惰症又黎, 走左去睇龍珠漫畫 (孫悟空細個講起). 之後又好大壓力地溫習. 出面天氣好凍, 真係乜都縮晒. 上到車, 又睇到前面坐位一個中國男仔同一個索鬼妹, 傾傾計平均每一分鐘 kiss 一次, 仲要有聲的. 條仔外表都不錯, 但係番學途中談戀愛就不太好啦, 咁愛大家就番屋企以行動表示啦, 咪係街度影響將要考試的同學啦!!
入到班房, 見到有個大叔係黑板度寫野, 望多兩望原來佢係平時英明神武的教授, 今日無著 suit 又唔剃蘇真係有點乞兒 feel. 講番考試, 時限得兩個鐘, 總分得 68 分, 五條問題. 在下覺得有點放水, 沒有鑽牛角尖的題目. 應答都算得心應手.
完成了最后一份考試, 心情都是平靜. 可能由小一開始到現在已經被無數的考試令我變得麻木了. 考試完畢後在學校繼續上網 check 天氣和攪埋所有 outstanding 野 (銀行野/download notes 等等) 攪攪下攪到成五點九先去 book store. 去到 book store 仲要撞到女同胞, 依依不捨地吹水吹左成十分鐘. 入到 book store 佢地都就黎關門, 最重要係我想買果幾件衫依度都無得賣, 要去 downtown 果間 MBA 專門店先有. 手頭上得一分鐘決擇: 一係係度買件無咁靚的算數, 一係就唔買 (因為出到去 down town 都收工, 我聽日又去玩星期一晚回來又收工), 一係托人買 (諗諗下都係算, 登天難求人更難). 店員第二次同我講要關門之際, 我決定唔買了. 雖然我唔買會係一大遺憾, 話晒係度講過書買件衫紀念下都好應該. 但如果買件醜怪的回香港又不會著出街所以都係唔買, 有 d 野係整定的, 要買的話第日總有機會買到.
回家磅多次行李要 23kg x 2, 之後好好包裝番個磅囉番去 refund. 戰戰兢兢的我希望不要被留難. 點知去到話 refund 佢二話不說很快便攪妥, 同買野一樣咁既速度. 讚!
最后決定了明天出發去華盛頓. 七點起飛, 要三點起身搭幾程車去機場, 同幾年前苦行憎的流浪旅程差不多: 冇行李, 膊頭長期負荷 7kg 的相機 + iPad + 衫, 因為 hand carry 沒有簡液 / gel / 洗頭水, 一日行十小時, 一日一餐, 訓最平的旅舍.. 今次最特別的是我完全沒有做資料搜集, 連落機怎樣去旅舍我都不知道. 很是刺激~~
