昨天背著重袋走了八小時的確很累. 也沒有體力心情去飲酒跳舞 (其實頭髮關係根本也不想去). 不知是否上天獎勵我, 昨晚免費送了我免費入場. 旅館在二樓,下層是一間 club, 牆壁和地板像是我宿舍不知用什麼做的不隔音材料. 所以整晚安睡床上也有免費 clubbing music (Bass係打心口果隻) 同埋聽到男男女女係後街係度大吵大鬧 – 直到四時左右打烊. 到六七點, 七位室友的其中一位哮喘得很利害, 透不到氣的他成個字先搵到野噴. 最后終於舒服地睡到十點起身 check out. 由於無 Gel 所以帶了冷帽就起行了.
起身了首先去附近郵局寄 postcard, 可是入到去大排長龍. 我等了五分鐘, 服務員還未能完成一個包裹郵寄的 request. 由於此 trip 時間是 First Priority, 所以還是不花時間等候. 繼續行去地鐵站, 行行下行錯路了, 還是’口在路邊’Random Walk耐唔耐問下人, 反正附近建築都幾有趣, 一路行一路影相, 沒有囉部 i 出黎定位. 流浪式旅遊有其樂趣, 只要不用驚慌會找錯路或有危險 (周街都是人都是建築物, 怕乜), 可以訓練下適應能力.
搵到地鐵站, 很豬的關係2.2蚊的地鐵飛比部機食左5蚊無得找, 蝕了. 搭地鐵去了白宮一帶繼續未完的遊覽. 去了 Department of Treasury 看一看推高香港樓價的源頭. 繼而去了白宮睇下有乜特別. 所謂民主的國家當然有人係度叫囂示威, 但佢地一大班人行黎行去並沒有什麼激進的行為. 差人和神秘的特工都由得佢地. 這是好的, 示威唔使野野搏出位要燒國旗或者攻入立法會 / 中聯辦等, 人家的政客都和商界拉攏, 囉正牌收公司 ‘獻金’為大機構做代言人, 乖乖食下政治飯就有錢賺. 中國人政客(港/台)總是要搏出位打下交攪下事, 錢來得辛苦好多.
影下拍下, 好像過了時間, 花在白宮附近的時間太久了. 只有四十五分鐘要走三個地鐵站的路程, 行去地鐵站加埋等車可能唔夠時. 唯有急步去長途巴士站希望趕得切班車. 可是唯一依靠的 iPad 地圖琴晚 cache 了 NewYork City 的 Map, 華盛頓一帶全是空白! 深呼吸之下, 想到辦法了, 幸好一早 Bookmark 了巴士站, 又有 currect location, 再加埋指南針就可以搵到路去了. 如果這是 Wi-Fi 版 iPad, 沒有真 GPS 我便會滯留華盛頓！ 所以大家去到外地, 一 d 很重要的地方記得 bookmark 底佢. 就算無晒 Map 都可以搵到方向! 至於距離感, 可以自己 drop-pin 之後行一條街睇下去左幾多. 有了這些科技, 即使比人賣了去了外星也不會死掉.
時間剛剛好行到紐約巴士站, 又可以放下重擔休息一會. 很快樂的就是這程車是有 Wi-Fi 的, 我可以同豬朋狗友吹下水同埋睇下新聞之類. 坐位有點似城巴, 算很舒服同乾淨, 途中來埋google map 都可以看一看中途城市風景. 攪下攪下就到了 Manhattan, 落車時天已黑. 由於真的沒有紐約的紙地圖, 所以落車立即去地鐵站搭車去宿舍. 開頭是不習慣的, 落到地底又好似迷宮咁, 很多線路, 只是地鐵已有好多組線 (1/2/3 線, 4/5/6 線, A/C/E 線, N/Q/R線 同埋 B/D/F/M 線), 再加埋有唔同類型的火車, 第一次去到睇到暈左, 有點忘然. 花了點時間買飛 (費事又買錯), 之後搭地鐵番 103 街的宿舍.
這間 HI New York Hostel 比華盛頓的那間好很多, 是集團式的 (缺點就但是賺錢味重), 所有野都干淨企理, common room 又超大, 人又多, 咩國家的人都有. 問 reception 拿了地圖, 問了它在哪裡有野食同埋晚上去邊區有野睇有相影. 職員叫我去 Times Square 一帶行下. 至於食野, 因為忍唔住的關係, 所以去了宿舍對面的中國快餐館度食了今日的第一餐 (@晚上八時正)..
食野時花了廿分鐘看一看地圖, 把景點分了數區: 宿舍附近的北面哈林區, 中間的中央公園區, 中間以下的高樓大廈區 (時代廣場/帝國大廈等), 再下面的特色區 (SOHO, Little Italy, NoLita – North Little Italy, China Town), 同埋最底的金融區 (紐約證券交易所). Planning今晚行畢中間區域, 明天行晒所有中間以下的區域, 最后一日行中央公園和哈森區. 這是很完美的 Planning, 交待這個也留下之後大測試的伏筆..
係北面搭番車去時代廣場, 搭的是1號線. 搭了一個站, 聽了一點廣播後, 有半車人衝左過對面月台第二班 3號線的車. 起初以為係因為人迫所以轉車, 無理佢地了, 而家我班車關門開車先, 心中暗笑佢地班傻仔. 安然去到下一站, 見到佢地班車來了, 但是佢地無停到! 心想不對路, 自己猜猜度度之下, 發覺到1號線/6號線是 LOCAL 線, 即係站站停. 2/3號同埋4/5號線係 Express 線, 只會係大站停. 有時地鐵司機又會 announce 某個站會飛站, D 人又要落車. 在紐約, 沉悶的搭地鐵動作變成了很有趣的IQ遊戲!! 要快人一步, 就一定要留意對面月台同埋打醒精神聽廣播~
落到車, 真係同旺角差唔多: 好難得的這麼多人 –接踵肩摩. 大廈的霓虹燈招牌照亮整條街. 這裡的招牌看似是咭紙般真實, 看清楚原來是超高清電視來的! 聖誕將至, 周街都是聖誕老人. 景色優美, 只係拍街景都逗留了幾個字. 最攪笑的就是到處都有 d 好似尖沙咀呃遊客既相機舖頭, 門口以一蚊十張明信片作招徠. 入面都係 d 蛇頭鼠眼既人, 簡直同尖沙咀一樣, 看到都好攪笑.
過 馬路等綠公仔時見到有個黑人, 著得算光鮮, 係度傾電話, 另一隻手囉住副眼鏡. 之後同佢同方向行有時佢係我前面有時係我後面, 我入左舖頭睇下手信出番黎有時又見到佢. 因為條街超多人多所以我都無乜為意. 行行下聽到有野跌落地下, 望一望就是那個黑人, 佢跌左個眼鐘落地下. 我心想有眼鏡又唔袋落袋又唔戴起佢, on 9 9, 我望一望佢就走左去. 行左兩三間舖後, 佢走黎搭我膊頭, 比副爛左鏡片的眼鏡我睇, 話係我’bump’佢整跌佢副眼鏡, 我話 ‘No I didn’t, but I am sorry to hear that’. 之後走了去. 行多幾間舖, 佢又拍我膊頭, 又話眼鏡爛左, 我心想有 d 似警訊橋段, 覺得唔對路, 唯有目露凶光同佢講 ‘I am sorry for that’, 本來想問佢 ‘what do you want’ 但可能會正中下懷, 所以我講多次唔係我撞佢之後就走左. 心想如果係警訊, 都係無必要同佢理論, 為免麻煩我都係行左去第二條無咁旺既街費事比佢有進一步行動. 畢境今年不宜遠行, 到今日仲係安安全全, 無謂逞強有乜事衰收尾.
本身已經好累, 但不知是什麼的驅使我周圍行, 大街窄巷都係. 感覺得古怪, 找到41 街同第九街相交點有幾間超平的野食, 一間是 3 蚊一罐野飲 + 兩塊 Pizza. 另一間是 2.5 蚊兩隻熱狗 + 一罐野. 在美國黎講是超平的, 這個地址已紀錄在案, 日後會光顧. 講番紐約的街邊熱狗, 佢地都唔會標價錢牌出黎, 有紐約市來的同學說過, 公價是 1.5, 但記住不要問佢地幾多錢, 否則便會收到遊客價. 我親自驗證過是對的, 無問佢價錢, 比個半佢就以囉走隻熱狗, 過幾條街無聊問下價, 佢話要3蚊隻, 真係食水深.
行下行下, 收到西岸同學的短信, 問我去不去帝國大廈天枱看風景. 剛好幾小時前在巴士上看到歐洲有恐怖襲擊, 心想都是不要上去高樓大廈比飛機撞, 咁浪漫既野都係留番比佢同埋佢D士兵. 我繼續摸黑不斷行行行. 很快樂的就是在美國咁耐, 終於見到匯豐銀行, 仲要周圍都係, 同香港差不多, 每見一間我都拍下照片留念.
回程時, 去番同一個地鐵站搭車回去. 感覺和四五小時前第一次踏足的旁惶截然不同, 這次踏足就好似係香港站去中環站般自然. 在車站月台上有 d 囉正牌的表演者, 所有人都看得津津落道, 只是等了一班車已有廿幾三十個人比 TIPS, 每人比一兩蚊, 稅又不用交, 這些人比 OL 收入衰要高.
回家看天氣報告, 整天大雨, 沒有辦法, 唯有見步行步!
