九十之七十六 沒有姚明的火箭 (補發圖片)

晨早起床, 打開窗簾望下. 嘩, 一片白色! 可是我起遲了, 好多主要幹道都比鏟雪車鏟出一條路出黎. D 雪都有兩三吋厚, 仲要不斷咁落到下午先停. 囉起相機影下相先.. 最 K 的係影影下相有個人係度耍太極. 如果佢只係著住件背心黎耍會形好多!

囉得起相機就順便影下寒舍. 有人話亂有人話整齊 (張床). 大家不要取笑,我是一個懶惰的電車男.

之前用了一百塊買了比較今天比較前排的 NBA 比賽 – 公牛對火箭. 很不幸地我買了的第二天, 姚明受傷了. 今天看新聞, 他要下周二才能返回戰場. 很失望呢!

Holiday Mood 持續, 還是無乜心情溫習. 見落雪落得咁開心, 早一點搭車落 downtown去日本餐廳 (昨天甩底無去果間) 享受日本菜之後係 downtown 影下聖誕夜景. 點知去到行錯路找不到那餐廳, 唯有慢慢行下 downtown 去搭車. 途中見到幾個很醜怪的雪人, 地上有時有溶左一半的積雪, 很易很易 PK, 走路要好小心. 我很膠地好開心咁玩下雪, 用手執下 d 雪掉下, 用腳係幾吋高的雪度整 D 腳印.. 不到五分鐘, 點解D 腳趾咁冰既? 原來 d 冰水滲左入鞋同襪度, 腳趾零下兩度凍左成個鐘, 很是膠. 落雪是很好的, 但係佢地鏟埋 d 雪去路邊, 黑色的, 很污濁.

因為夜景不是很美的關係, 同埋手指頭都很凍, 所以很少係一個地方駐足幾分鐘係咁影相. 行行下行到巴士站, 等了半小時才有巴士去球場. 仲要巴士司機渣得唔專業, 攪到我今次又遲到了, 去到又 miss 左開場片段, 一入去就是 tip ball,靠.

我坐的位置今次好一點了, 除了球員號碼外也可以看到名字. 這裡隔音做得不錯, 山頂小販的叫囂聲我聽不到. 我坐的是 club level, 唔使特登走去買野食, 耐唔耐有專人黎幫你落 order同埋送野食.

看下場邊, 見不到姚明, 那還是支持主隊吧. 公牛全場 lead 住幾分黎打, 但又拉唔開比數, 有時又比人追到 2-3 分距離, 很是緊張. 第三四節火箭掉左一個叫 Miller 的人入黎勁入三分同埋一個叫阿 Lee 的人怪姿勢又是入波. 公牛又食左屎的射極唔入, 仲要球証係好明顯偏幫火箭 (不知是否公牛吉祥物中場果時攪嬲個球証的關係) 第四節最后兩分鐘比人反超前4分. 眼看衰收尾都係執定野走, Rose 黎一個 Buzzer Beater 0 秒鐘三分球入左打和. 全場 High 到爆頂. 加時開始好多人都企晒起身同埋個場勁嘈, 嘈到球証吹罰都唔係好聽得到. 食住個勢之下 Derrick Rose 好似上左身咁又有波入又做了 one man bank. 不過本人覺得佢獨食左一點, 這也是第四節比人追番上黎的原因. 中場 funny cam 影到西裝骨挺的 Scottie Pippen 係度比女溝, 比女囉電話. 影左廿秒佢都唔知比人影緊, 全場 d 人係度笑爆, 超樣衰.

重在這邊, 可以看到球証果面的廣告牌, 看到了有幾個中國字的廣告, 見到多次 ‘喬丹體育’連個 logo 都好似 Air Jordan. 細看之下好似同 Air Jordan 完全無關係, 這些抄襲品都可以係 NBA 度賣廣告, 我國真係很偉大!

嚴重建議看以下 recap 片段感受下氣氛:
http://www.nba.com/video/games/bulls/2010/12/04/0021000290_hou_chi_recap.nba/

離開時走了去同舖左雪的 Michael Jordan 像影相. 這是我們最后一次見面了, 再見~

因為影了相的關係, miss 晒特別班次巴士, 在 29度 F (~ -2 度 C) 情況底下等了半個鐘, 係我前前後後的鬼佬都勁小巴士站個站長. 個站長不斷話叫緊車黎但係又係做唔到野. 這些美國文化我都見怪不怪, 在美國沒有私家車就不要怪別人吧.

因為太快樂的關係, 我還是沒有回家, 去了 ChinaTown 飲野茶. 叫了喜歡的茄子煲同埋鹵水鵝片慢慢品嘗. 隔離枱的鬼佬見我食得咁享受, 問我食的是什麼之後自己 order 一碟. 兩樣野都食唔晒, 埋單走人打包時靚女侍應話送個白飯比我費事聽日食果時有餸無飯. 每次去 ChinaTown 我都幸運地囉到著數, 很是好.

回家看到新聞, 芝加哥大雪有三百幾班機取消左. 原來咁樣都算大雪, 死啦好驚番唔到黎香港~~