九十之六十四 鬼斧神工 (補發圖片)

今天十一點 checkout 但係飛機係晚上一點, 所以 checkout 後要放個行李係佢地房 (佢地遲我一日走). 十一點打去問德國仔佢房號, 問左佢十次都講錯, 好明顯琴晚玩到好顛. 十一點半就搭車去了大峽谷公司展開旅程. 個總部係南面, 搭車都搭左九個字, 去到又要等左大半個鐘. 見到佢公司除左直昇機遊大峽谷外仲有攪個直昇機係 Vegas 上空舉行婚禮, 很有趣很浪漫似的. 走去問佢地都只係 600 – 1200 美金, 可以諗諗.

機師終於來了, 很型子的, 是一個金髮的甄子丹. 仲要 cool cool 地, 可惜我坐的直昇機是灰色的, 隔離果組人是坐黑色的. 都是類似香港成日出事果隻海豚直昇機 EC-130. 上機時落大雨大風, 心想不妙了, 會否墮機??? 很害怕.

我部機有八個位, 機師一個, 我地三個, 另外有兩對 couples, 有一個男人是五十歲生日. 很快樂似的. 機上每人都有耳機連 Mic (很似呂小上 listening 堂果隻). 我地有幾班唔識的人, 而家所有講話都會錄低做 DVD (畫面係機底 camera), 所以大家全程都冇乜出聲. 我心諗如果我地有七個自己人去, 一定會嘈到拆天粗口橫飛, 仲要買番隻 DVD 番黎得閒聽番有幾過癮. 飛機有很大的透明空間, 影相很美.

飛機起飛了, 因為很大風, 搖搖欲墜的, 有時側面有一下大風部機會郁得好勁. 不玩過山的我當然很害怕. 本來我教完教車師傅牌冇野做諗住去學直昇機的 (學小型飛機好貴, 直昇機 afford 得起), 但坐過直昇機之後都要再諗諗. 直昇機就好似空中的電單車, 真係好易死人. 死人機師仲要耐唔耐特登玩野, 係你無防範底下特登黎一秒既 free falling. 個 pet pet 真係離開左張坐椅的, 玩完你之後仲要問你爽唔爽, 真係 xyzabcd#$!@#!#!@$3..

飛機首先向東飛飛飛, 在高空看下去的風景真係很偉大, 不久經過水霸和水力發電裝置 (當然不能和長江那個相比). 飛到咁上下去了一個加油站, 那裡有大約十部機係度等我地加油之後一齊再出發去大峽谷, 很莊觀的.

再飛了一排, 到了目的地了, 是一條很大的峽谷, 有條河, 有山, 有草. 我們降落在一個峽谷處, 食過小食和飲香檳, 影了很多相 (都是我幫他們影的多, 佢幫我影的都影得很差)

回程時在高空看到 Vegas 只是一大片沙漠中起出黎的小綠洲, 在大自然中還是很細小. 安全降落後塔車回酒店房間, hea 了一個鐘后. 他們要塔的士去 downtown 之後先去 strip club. 我心想都是不要洗錢了. 還是和他們道別, 自己去南方睇埋幾間酒店. 在昂貴的 Vegas, even 食老麥都好貴, 一個餐都超過7蚊. 但是我細看餐牌, 發覺蘋果批只賣5毛子, Double Cheese Burger 都只是 1.19. 買兩個加埋野飲都唔使三蚊, 成功創造了香港價錢.

南方的三間酒店 Mandalay Bay / Luxor / Excalibur 原來是連埋的, 唔使出室外就可以行晒三間. 個人比較喜歡 Luxor 法老王酒店, 入面環境都不錯的. 起碼個廣場真的似一大廣場, 不似其他酒店般廣場同賭場混合.

芝加哥的舊鬼婆老細打了電話來, 傾了二十分鐘. 如無意外佢會帶我去芝加哥總部參觀下同埋識下人 (Bank 的 IT 總部是在芝加哥). Stay tuned.

行到好累, 仲有四個鐘先起飛, 唯有番去 MGM 搵個位坐下, 去了 Sports Centre 度同搵左個位坐順便睇下比賽. 由於太累, 睇睇下係度釣魚, 竟然比黑鬼保安叫我出去行下,唔好坐係度. 他們對客戶太差了, 不賭錢的便要趕. 唯有囉埋行李走去機場訓. 本來想搵 shuttle 的, 但是 shuttle 要 book. 唯有諗住搭的士. 係我前面是一個美國男人, 也問過 Bell Boy 同一個問題, 他聽到我都想去機場, 便問我一起 share 的士去機場好不. 我見 share 是好事, 佢個人看似正經, 便答應了. 傾傾下原來佢同我係同一班機去芝加哥, 再傾下去都講左好多野, 佢是其他地方黎卡夫 (Kraft) 食品公司工作的, 有四個小朋友. 我見無聊就同佢越傾越多野. 後來知道他坐我隔離, 真係整定似的 (如果當初我沒有答應佢搭的士, 上到機後會有點尷尬). 吹完水, 落機拍拍膊頭便道別了, 沒有交換聯絡.

飛機有機件故障, 換第二班機 delay 了半小時, 但因為順風所以影響不大. 拉斯維家斯之旅完成, 第二層夢境要回到第一層, 再想一想, 還有不到三星期便會番回現實世界……