時至今日, 征服洋妞計劃完全失敗. 時間和精力唯有放在征服博物館計劃. 下午上堂的關係, 早上去了 Museum of Science and Industry. 雖然和德國慕尼黑的 Deutsches Museum 相比是小很多 (德國果個要走一整天), 但這裡走馬看花都要超過兩小時才可以看畢.
內裡很多新奇野, 很多都是設計到令小朋友好有興趣留底. 這都是一個好的教育同埋 marketing 方法. 如果我帶小朋友黎, 我想要玩足一整天.
入面有鎮館之寶 U505 潛艇. 依隻野係納粹德國整出黎, 二次大戰果時係大西洋伏擊美英船隻. 美國係一次秘密策劃下 ‘活捉’ 這潛艇, 並得到德國的信息 encryption/decryption 手冊. 破解了德軍的交談內容後便很快戰勝了.
個 場包裝到好偉大, 有 movie, 有展品, 講果時盟軍 (其實主要講美軍) 點勁點勁. 好大美國主義 feel, 但我身為中國人真係覺得係軍事方面美國真係抵佢認叻. 中國人仲係度用箭用刀果時人地已經船堅炮利, 就好似我次次上網同人玩 Age of Empires 果時我仲係度採礦同耕田果時人地已經一船船拋石車同馬兵黎滅我國一般慘. 戰爭來說中國有什麼好講的? 國共內戰? 坦克射學生?
我 希望的是中國人低調, 好的軍備都收埋唔比人知到, 不嗚則以, 一嗚驚人. 中國老番技術咁勁, 又上了太空, 希望 Made in China 的飛機大炮唔會好似 Made in China 的消費品咁流. 因為美國佬咁印銀紙法, 再攪唔好隨時會令所有貨幣無晒真正價值, 到時為左爭資源又來一次世界大戰. 到時有幾錢都冇用, 一切回歸基本, 手瓜大就話事. 我打 Call of Duty 不是沉迷打機, 是為了練好野戰技巧, 日後有機會為國家出一分力.
下午堂講 M&A, 門口有 free food, 應該係其他 event 食剩的, 我諗了幾次囉唔囉 (因為MBA Office 有 send 過 email 出黎叫人唔好囉), 但見一個一個 full time / exchange 同學都囉住一盒入黎, 學校又屈了我果 53 蚊住宿費, 早上行了幾個鐘又沒有食過野. 還是歪念起取了 Yummy Yummy.
晚上去了第一次 (同埋最后一次) Thursday Night Drinking Club (TNDC). 故事明日再續.
