九十之四十七 Goal

今天原本約了豬朋狗友由巴西同學帶隊去食巴西燒烤的. 但突然殺出左一個 Emerging Markets Invesmtent Conference, 主要講下新興市場有乜機會. 我突然有興趣聽下鬼佬點講祖國, 所以我衰仔地推左唔去食巴西燒烤, 比左三條野黎依個 Forum.

個 Forum 8 點到 5 點 non stop. Chicago Booth 真係除左 workload 重到冇人有之外, 連比錢去 Conference 都要卒死人為止.. 講者都係來自 Big Names: 投資界有 Fidelity / Pimco, 顧問界有 Bain & Company / McKinsey, 地產界有 Jones Lang LaSalle / Heitman 等等. 最大幕後支持係 IFC (International Finance Corporation)

晨早 8 點半到, 食左好多 donut / muffin, 飲了幾枝 Perrier. 坐我枱有兩個 part time 學生, 一個係 Deloitte 做但係比 Thomson Reuters 收購左的 Tax Consultant, 另一個係 Morgan Stanley 做唔知乜的人. 都算同佢地吹到兩嘴. 做 Morgan Stanley 果個話想轉工, 佢已係第五個我係度遇到既大摩人話想轉工. 佢地仲可以轉去邊呢? 唔通大摩真係咁唔好做?

個 Forum 分幾個 Area: Argiculture, Investing: Microfinance, Energy, Infrastructure, Real Estate. 難怪要講 8 個鐘.

首先講下 IFC, 佢地黎緊主力會 Finance D Climate Change / Environment improvement 既 Projects. 因為係大趨向 (2030 年全新興國家將會有 22% 的電力來自 renewable energy, 例如水力和風力)..

Agricutlture

• 巴西的蔗工業 (Sugarcane) 很旺盛, 蔗可以用黎食, 可以用黎整乙醇 (Ethanol) 比車用, 又可以發電. 唔好睇少巴西係新興國家, 佢地已有 47% 電力係產自再生能源, 蔗電力是主要之一.
• 巴西只用左一少個熱帶雨林地方黎種蔗, 佢地仲有好多地方囉黎種蔗並出口比全界做再生能源. 有很大的發展潛力.
• 全世界人口增加, 對農作物的要求不斷上升, 如何滿足佢地有一定困難. 尤其是 95% 貧窮人口是在發展中國家, 佢地要發展, 糧食是最基本的要素.
• 南美有 20% 人口每日生活少過 2 美金, 而佢地有 6 千萬兒童. 第日會變成很大的勞動人口. 有了這些人口, 人力需求大農業&農業相關工業未來會有很大空間發展.

Investing

• 在新興市場投資要好小心 Information Asymmetry, 外匯波動, 太多資金湧入一個很小的市場 (例如越南)
• 投資要相信自己在當地的分析, 不要盲目相信一些 ‘Beautiful Numbers’ 便掉錢入去
• 好像中國/香港, 可以一年跌50%/半年升30% 的市場, 要小心資產的波動
• 在這些國家投資不可以用常理推測, 要 think out of the box, 因為在新興市場, 5 年的投資年期可以好多意想不到的事會發生

Energy

• 在已發展國家, 投資公用股 (水電媒) 回報穩定但有限. 但在新興市場, 投資公用股回報可以好高
• 即使很多新興市場已用很多再生能源, 但 Fossil Fuels 還是不可被取締的

Infrastructure

• 很多人以為一個國家要發展, 只要種夠糧食就可以. 但係除了糧食仲要運輸的配合, 全世界因為基建不齊全, 有 30-40% 食物不能運送到有需要的人既口中, 浪費了
• 新興國家起路會用最新技術, 而且會資訊 (Information) 主導, 路上會加設 RFID Scanner 和 GPS/GIS 等.
• 不再舖固網, 用的都是手提電話.
• 國家都放好少資源落基建上, 例如巴西 GDP growth 5% 但只放 2% 係基建. 所以未來增長潛力很大

Real Estate

• 在 2050 年, 巴西和默西哥 GDP 會係西方國家排第二和第三 (西方國家第一係美國, 全世界第一當然係祖國)
• 這些新興國家的國內需求將會大增, 包括住屋等基本需要

• 金磚四國興起之際, 好多人對非洲都虎視眈眈, 因為非洲地底有不少值錢的資源. 中國同印度都開似係非洲插旗. 中國係非洲 ‘幫手’ 起基建 , 印度就係果面買地.(尼日尼亞是非洲嗎?)

講完咁多, 都是資訊性質為多. 講的都是美國公司如何可以食頭淡湯係依 d 地方囉左 First Mover Advantage. 佢地係講到新興市場好多機會, 我地美國人 Target 要食到 40 – 50% 這些機會, 所以有 d 野唔賺錢唔做. 我心想, 人家國家有自己的發展, 為何你們美國人一定要覺得是你們食的嗎? 你地為了賺錢, 自己國家都咬到流晒血仲要止不到血, 不明白點解看到人地條女索 d 就要搶過來, 很霸道.

巴西講者好串咁同 Chicago Booth 學生講: “你們在新興國家投資請想一想背后投資的原理, 回歸番 Investment 101 (101 即係基本咁解). 不要用什麼 Derivatives 等衍生工具來投資巴西.”

我覺得他說得很有道理.簡單講依六七年美國 subprime 同埋對沖基金興起 其實係佢地用財技, 自己人呃自己人, 用一蚊變到一千蚊咁計晒數咁低風險投資. 賺左1%即係十蚊就袋落袋. 錢係咁樣變出黎, 但一爆煲人人 redeem 番 d 廢紙才發覺到手上的資產只有一蚊, 果九蚊唔知點填番個坑. CDS 果 d 全部都係一樣偏離晒基本投資意義, 為左賺錢而想出來的工具.

聽畢, Networking Session 時飲了幾杯白酒, 開始確立了我回港後的長遠目標…