下午上堂, 德國仔叫我早 d 番學相討一下百萬富翁大計. 但我諗同佢時間夾唔到 (佢只有感恩節得閒, 但我要去 Homestay). 都係自己 plan 一條友過去仲好, 自由好多.
上堂講個 Case, 又有感而發:
個 Case 講 Marriott (趙寶做果間), 1992 年果時經濟大衰退, 借落大筆錢, 起左 d 酒店又賣唔出去. 公司債台高築有新 Project 又冇人肯借錢比佢 (Debt Overhand Problem). 死人 JW Marriott 諗到條屎橋: 將間公司 d 賺到錢既業務資產拆做新公司, 賣唔出既酒店同埋所有債就留番係舊公司. 咁新公司財政好健全, 借錢容易又可以接新 Project 賺錢. 相反舊公司破產邊沿, 公司債券變 Junk Bond, 價格下跌, Bond Holder 身家輸一大截. 因為股東會按比例收到新公司股份, 所以股東損失不大. 舊公司如果破左產, 股東仲有新公司股份, 但係 Bond Holder 就乜都冇!
自古以來 CEO 責任都係以股東權益為重 (Maximize Shareholder Value). 而新派學說就叫 CEO 除左股東外所有相關人士 (社會, 員工, 債權人.. etc) 都要照顧…
教授叫我地 Debate 下如果係 CEO 應點做. 估唔到全部鬼仔同學一致裁定 CEO 要拆新公司出黎, 唔好理舊公司破產同埋果班債權人. 仲話賺錢為上, 債權人借錢果時冇落條款 (Covenants) 係佢地自己 on 9. 咁教授就話咁樣會整臭公司個朵嫁喎, 有機會新公司再冇人敢借錢比你, 同埋客人都因為你係 PK 公司所以唔會幫襯. 班鬼妹話金融市場認錢唔認人, 有咁多銀行, 東家唔借西家爭住借. Reputation 唔會好大影響, 因為人們記憶力短. 最緊要係股東權益最大化.
美國人繼 Enron, WorldCom, 金融危機 同埋 金融海兆之後, 都沒有係錯誤中學習, 帶頭講任麼道德 Ethics, 任麼迫所有公司晒時間做 Sarbanes–Oxley Act. 有用咩? 依班 Top Grade MBA 學生, 出黎十年八年就會去晒 Fortune 500 既公司做 CEO, 之後仲有十幾廿年做. 佢地係學校已經咁追求短線利潤同埋認錢唔認人的管治手法, 我敢講句, 最少依廿幾年美國仲要爆多幾獲野. 我心淡了, 賺咁多個 Billion 黎做乜呢? 可以長生不老嗎?
人家說去芝加哥不去博物館, 就等如去香港不去山頂一樣.. 所以夾左時間 Plan 去去一連串的博物館 (免費開放日子). 問過人地邊間要去邊間唔使, 佢話兒童博物館 (Children’s Museum) 係必去. 咁放學咪囉埋相機過去囉. 兒童博物館位於 Navy Pier, 搭車去時又塞車又落大雨又大風又凍, 著 Converse 同埋冇囉遮的我唔知點算. 落到車個碼頭就好似打九號波的天星碼頭一樣好凶險. 好彩跑兩步就入到去 Navy Pier. 入到去 Children’s Museum, 中伏! 果然好 Children!! 簡直就像歡樂天地一樣! 我因為沒有小童陪同, 所以我留下證件做抵押 (點解? 怕我戀童僻???). 冇野好睇之餘, 唯有抽出我的相機, 好異相地周圍影下相….
行完兒童博物館也遊覽下 Navy Pier. 因為大風雨所以沒有坐摩天麟. 一帶都是賣遊客手信的地方, 在 Smith Museum of Stained Glass Windows 影了幾張相.
兒童去完, 下一站應該係成人博物館..
