琴晚開心完畢, 早上起身’抄’醒佢地 (全晚沒有見到任何女性物體). 佢地用齊全的廚具, 簡單地煮了好味的早餐食 (又要後悔冇租 downtown 樓). 今晚食飯唱 K 最遲都係十一點到. 問佢地今晚 Halloween 有咩攪諗住 join 佢地, 吹水話一係去 Gay Bar 一係去 Swing Party..
澳洲仔話去過 Gay Bar 見識, 佢話見到有個亞洲男仔比個好肥的美國白鬼不斷係咁抄全身, 很是恐怖. 我心想我都是不要去了, 這些 pub 比芝加哥的黑人區還危險. 之後講 swing party, 我唔知係咩黎, 佢話即係幾十人的狂野’胡亂交友’派對. 感覺得有趣但這些都是唔岩我的了. 我問巴西同學去唔去睇總統, 佢話傻嫁咩, 剛剛有飛機炸彈黎芝加哥, 仲去有奧巴馬的地方, 想死乎…
回家一陣就囉埋相機去奧巴馬拉票大會. 因為時間緊迫, 沒有聽米高講整塊 ‘釣魚台是我們中國的’ 既牌去舉 (最大問題我唔知英文係咪叫 Fishing Island…). 四點開始我三點半去, D人排條隊好長. 排排排終於入去, Security Check 保安同人的被例係 3:1. 但佢地都算很 nice.
入面好多人, 四點開始以為見到總統. 點知係有隊 band 係度不斷唱歌, 好似開 concert 咁唱足兩個幾鐘. 我約左去 ChinaTown 的關係早走了. 之後同學們都見到總統, 法國同學仲鼠到去握手位, 同總統緣慳一面, 冇計. 大先搵公司舊鬼婆老細 (佢係奧巴馬香港代言人, 而家番左芝加哥) 睇下有冇計…
去到 ChinaTown (餐廳係之前同西岸來的朋友去過, 同老細吹水好耐), 又話好多女的? 中伏了. 有幾條女冇去, 之前講的 Sammi 原來係男仔 (仆佢個街男人老狗改乜 Sammi). 去到得一個阿嬸同埋一個香港黎的女仔. 好多人都講普通話, 得兩個人講廣東話. 不過野食都好好食, 有避風塘炒螌/鼓油雞/炒蜆等等十度菜, 埋單人均廿三蚊同香港差唔多. 食剩好多野都冇人要, 又送埋比我囉走, 真開心. 老細話我乖仔咁好叫同學仔去食. 我心諗唔關我事的…
食完去了一間叫 Sakura 的 Karaoke 唱歌. 依度唔係人頭, 係段鐘計錢, 男侍應係 d 古古惑惑的死靚仔, 女侍應不錯 (成日以為會有特別服務的). 歌曲不太新, 班大陸仔係咁點老坑歌, 個鬼仔同 ABC 又係咁點 R&B 歌, 玩大話骰佢地又唔識玩係咁輸, 很是無聊. 正想搵澳洲仔問佢有咩 Party 之際, 有個香港男仔問我去唔去一班香港人的 house party, 我話去玩下無妨..
香港男仔叫 Jack, 香港生長過一排過左黎美國生活了十六年. 勁東西的他找到工作明年畢業回港做野了 (到時可以搵佢). 佢很 nice 的, 見我人生路不熟同我傾了很多東西. 佢話我住的 Hyde Park 區並唔係開學時警察沙展講到咁安全, 叫我小心一點. 另外還特登渣車車我去左幾個拍 Batman 的地方, 我見到真係很興奮. 佢話 Batman 個葛咸城 (Gotham City) 根本就係芝加哥. 所以好多集都係芝加哥拍的, 看來我番去要由第一集煲過了… 後來細查下, 原來 Transformer 3 都有一部份都係 Chicago Downtown 拍的.
他問我有冇識到女仔, 我坦白講話發覺這裡鬼妹唔會鐘意中國男仔, 中國女仔又鐘意鬼仔. 中國男仔係度沒有市場, 他很驚訝我來了只是一個月就能吾出了這個真諦…
上到佢地屋企, 又是 downtown 的很靚的 apartment. 這裡比 hedge fund OM 的家更大更靚. 他們有十多人左右穿晒 costume 係度吹水飲酒食野, 有男有女, 大部份都講廣東話, 感覺好親切. 冇耐之後佢地開局玩 Poker, 我唔係好識玩但都玩左, 好運之下賺左廿幾蚊 (開頭本金 buy in 十蚊). 幾個鐘玩住黎傾計容易混熟好多. 佢地平均25-27歲, 當中都有 MBA 的人, 但大部份是他們的朋友. 多數都是富家子弟, 香港的家人都是馬會會員. 可能因為佢地過得黎生活全部都是富家子女關係, 大家都很 nice, 同香港果 d 幾個臭錢的 PK 比好好多. 遲 d 話叫我上去打牌或者一齊去芝加哥的賭場, 我諗都係吹住先.
今個 Halloween 沒去 clubbing 但係識左唔少新朋友, 都很充實..
