又到星期五, 又要準備第二個星期的課程. 德國同學話佢下星期兩個 mid-term, 另一個 fulltime 組員又要忙搵工, 話約左傾 project 的時間推到下星期三. 佢地係好 partner (唔同另外一科某歐洲仔咁 PK), 見佢地今個星期咁慘, 自己依幾日又爆晒 turbo, 所以用左四五個鐘時間睇 case 做左八成 case report. 想起真係有十年前讀 undergrad full-time 果時的雄風 (都係唔講個人主義).
做做下見到 facebook 同埋 email 起哄, 原來歷史悠久的 MBA Halloween Party (意義等同中大的千人宴) 今年第一次被迫取消. 原因當然係因為佢地偉大的總統… 什麼什麼保安理由等等. D 鬼仔又話要 Vote Against 奧巴馬又話攪事等等, 很是攪笑. 同學們花了很多時間心思(重有金錢)準備的 costume 泡湯了. 衰格的我內心 ‘唧’ 一聲笑左出黎, 因為我一早攪唔掂, 連張入場圈都賣埋出去, 諗都冇諗. 好似上天整定咁的.
一直工作到晚上六七點, 有澳洲鬼仔同學問我有咩攪, 我話冇. 佢話有野攪搵埋我好唔好, 我話 OK. 我諗住辛苦成日, 晚上咪出去浦下飲下野. 佢話七點出去, 我話我冇咁早要十點後, 佢大我話我咁答的話九成唔會出黎, 仲話同我賭五蚊. 唔賭由自可, 一賭的話就算一毫子我都唔會衰比佢睇. 溫埋書到十一點便走了出去 (夜媽媽出去, 我越黎越大膽了..)
落左 downtown, 去到一個當地 part time 同學屋企. 佢住 apartment 有陽台, 個 view 同我係觀光塔頂見到的差不多, 靚得很. 果度有八條麻甩佬 (有一半我識) 係度飲下 Whisky / Vodka 吹下水. 屋主係間細的 family business hedge fund house 做 Operations manager (細的都有幾百 Mil 美金資金 @_@). 飲大左講開我自己炒野的經歷, 佢話業餘的個人黎講算係變態的了.
澳洲鬼仔我一向都覺得佢幾叻, 成日周圍 station (Poland 意大利澳洲…) 仲係日本 station 到一口流暢日文. 大家飲多幾杯, 因為有兩個巴西同學係度, 我講起尊敬 F1 車手洗拿. 講講下澳洲仔話係日本果幾年渣部大改的 RX-7, weekend 會突登去甩尾場玩飄移 (佢話甩到同 Initial D 差唔多), 有時夜晚仲會係首都高度 ‘遊車河’. 頂! 我問佢用這車品嚐過幾多日本妹, 佢賤賤的笑笑口. 佢依 d 生活品味都不錯.
飲到兩點幾冇晒酒, 大家都握手道別, 仲相約大家去附近 Kart 仔場劈下 (不過到而家都未有消息).
因為冇車回家的關係 (的士要廿幾蚊), 澳洲仔叫我去佢屋企訓一晚, 仲話佢個泰妹 Flatmate 剛剛同男朋友分手云云…
澳洲同學和巴西同學租一間兩層樓的 House. 上層四間房, 分別住兩位同學同埋兩位泰個女仔, 下層好大的客飯廳廚房, 仲有後花園. 去完咁多個同學的屋企, 真係後悔唔係 downtown 租樓呢~
