先幾日溫晒書就係為左今日要去玩. 一行五人租左駕大車 (92 蚊日包保險包入油) 早上就開車去 Outlet 了. 車程個多小時.
等人時影下宿舍附近影色:
開車去了, 先向 Downtown 走
芝加哥 White Sox 棒球隊主場
去到 downtown 又塞車
安全駕駛 55 miles / hr
郊外景色
個 Outlet 叫 Chicago Premium Outlet. 一聽到 ‘Premium Outlet’ 依個 term 我就諗應該係同日本果個同一集團. 去到不出所料, 同我去過的御殿場/Rinku/鳥栖 Outlet格式一模一樣. 既然一切更在掌握之中, 興奮心情更向下沉.
我黎果時行李爆頂了, 所以都冇諗住買野, 志在出下城行下透下氣. 去到十一點了, 我好肚餓想食野, D 女就好瘋狂咁話有野買就唔使食.
因為我車度有三個都係同一個 project group, 原本約兩點番去傾 project delay 去了三點, 三點時又打電話黎話未買夠 delay 四點, 最后四點半開車已無時間傾 project 了. 唯有直接去 downtown 同另一超勁大學 Kellogg (即係 NorthWest U. 的 MBA) 飯局 networking.
蘇格蘭仔溝女依d人之常情我唔介意, 但唔嫁又嫁一早話要早回睇 case, 買買下野delay 又係佢提出, 全朝都話shopping 完一定回家, 最后又話 ‘change my mind’晚上食飯又飲埋野. 唉, 佢去玩唔係問題, 最衰係佢自己未睇 case, 我地明日傾完 project 做左答案, 到佢星期一晚睇完又 override 我地做過的野.
去過日本 outlet 的朋友係咪覺得好面善??
三菱 GTO, 我的第一部愛車. 香港好少搵到了. 依度成日見
熟路的我做 tour guide 做 ‘戰略地圖’
大牛龜 車尾夠放 ‘戰利品’
唔講掃興野, 好多舖頭都不是太平, 比如都是 Retail 30 蚊減到 20 蚊. 加埋稅真係唔係太大意欲買. 除非本身美國 list price 比香港平或者什麼特別版比較吸引外, 我沒什麼 target. 我的衣服都是有人 sponsor 的, 自己很少去買衫襯衫. 下次還是有相熟的女生陪我去陪我簡好.
比較特別的是:
- Calvin Klein / DKNY 等 50% off, 價錢 OK
- Giorgio Armani 同連卡佛最后減價時差不多, 但買到都囉唔到番黎
- Nike Air Jordan 2010 很靚, 只是 100 元. 太重 🙁
- Coach 係唯一一間要排長龍入去的店, D 人勁掃, 手袋都係 100 – 200 左右. 好受本地人歡迎
- Sony 好多 Display Product 執過出售 (新的一樣), 52 吋LED電視機 700 蚊, BluRay機 80 蚊, 一部可以 1080 Full HD 的相機100蚊. NEX3兩鏡 459.佢地本身 list price 都平, 我成日以為百老匯果 d 以經係成本價出售. 睇完發覺佢減好多比你之後食水仲係好深. 很想在 Sony 買電視/BluRay 機但太重 🙁
- Levi’s 牛仔褲 24 蚊條, 501 都好似34. 我買了一條, 應該平過香港吧.
掃完, 大家一人六七袋野. 好開心仲發晒顛咁說:
- 澳洲人說: 澳元對美元升破一算了! 很平丫很平丫!
- 德國人說: 我九月頭黎果時歐羅對美元 1.25, 而家 1.4 了! 好平丫好平丫!
- 中國人說: 人民幣都升值了, 很多牌子在中國買不到的, 買到都比人炒貴了! 我買了新衫, 現在要去 WashRoom 換衫去之後的飯局了! (p.s. 但新衫嚴重 ‘曝光’)
- 蘇格蘭人說: 我本來都唔想買野的, 但見到咁平, 我都係 change my mind 了!
- 香港人 : 無言.. .. .. .. .. .. (心想: 要多謝偶像任總堅持聯繫匯率)
從這生活一小片段, 大家明白點解美國要狂印錢紙嗎? (晚上故事明天再續)
回程見到車禍塞車, 電單車比大貨車炒, 司機係路邊垂危
