- 星期二早上講 IPO, Professor 問下有冇人有 IPO 經驗, 有十幾個同學舉手, 全部都係幫大行做過 underwriter.
- 星期二下午講 Management, Professor Summarize 之前做過的 Survey 大家的 management 經驗. 有十個同學曾manage 100+ subordinates, 最少係兩三個 subordinates (即係我果 d).
- 星期二下午坐我隔離的黑人同學之前係美軍 Army Officer 當過十年兵, 身型同外表同 Shaq O’Neal 差唔多, 很想聊佢傾計 (e.g. 打過幾多次仗/有冇生離死別的經驗) 但怕講錯野比佢一拳打死.
- 芝加哥大學的MBA學生平日(唔係interview果時)番學求其T-shirt, 踢拖, 穿洞衫都有. 據聞在其他大學如紐約或西岸的不會有這情況出現
- 在香港太多年, 大狗小狗係街散步都會伸脷’hea hea’聲透氣. 令我以為所有狗仔的生理係咁. 在美國我很少見狗仔散步會伸脷透氣… 原來在香港的狗真的很慘
- 每次一班人食飯找數, 不論有人生日又好點都好. 埋單囉到張單大家都會堆埋張單度計自己食幾多, 仲要加埋 Tax 同埋 Tips 自動比自己果份錢, 不多不少. 次次攪成5分鐘. 不會像中國人那麼 ‘爽快’, 你想請埋佢/比埋佢地果份,佢地會覺得好出奇問點解要咁做.
- 黎左廿六日未食過老麥
- 愛車的我也愛美國, 二手美金車價: 2010 Camry $14,995, 2008 A4 2.0T Quattro $19,926, 2008 TT 3.2 $35,998, 2006 525 $17,990, 2007 Z4 3.0 $25,991, 2007 328 單門 $24,998, 2009 C300 $32,927, 2007 Fairlady 350Z $19,999. 中等汽油價未折 2.9/gallon (=5.93HKD/Litre)
- 第二次見到同房小强, 同佢大戰十分鐘又比佢走甩, 但已傷及佢元氣
- 講親香港黎個個都問我係咪 HKUST, 人地個朵真係咁響嗎?
- 上 IBM 堂時有個好強勁的鬼佬老師答親問題九成都話 ‘It Depends’, 好似好型咁. 但聽多兩聽覺得佢答左等如無答. 黎到美國讀書, MBA 人更喜歡講一個更 Sexy 的答案 – ‘Yes and No’, 效果同 It depends 差唔多, 都係要解釋晒兩面. 但聽落好好多.
