上早午兩堂準備充足, 無什麼懼怕的. 中午食飯蘇格蘭仔還有意override食飯地方, 被我強硬否決了. 下午果堂識到個 full-time 的女同胞 (兩星期前), 條女書又唔買, 百幾蚊美金既 Notes 又唔買. 琴晚問我有冇 Case Study 的 Softcopy 囉黎做功課. 我手上冇,但都將我的答案借了比佢 ‘參考’.. 上堂同佢傾開佢話佢要比錢買的 Case 或 Notes 都同其他中國人 ‘分享’, 仲話點樣係最抵, 大家最開心咁話. 我想不到這話會出係美國名牌 MBA 大學仲要每科學費五千美金的 Full-Time 同學身上 (p.s. 中大只要二千美金), 可是這話出自一位中國人身上就得正常.
聽了后, 我想了一陣子, 到底應該公奉公守法, 入鄉隨俗. 定係要以中國人身份, 不要給洋鬼子賺錢的機會嗎? 寫 blog 時聽住 TVB 24 小時新聞台特首講野, 講香港減廢同埋垃圾分類做得不錯, 雖然by Default 特首都是要比人 ‘反’, 但我可以講, 美國人成日 x 中國人製造廢物, 自己都唔好得好多. 每次去超市都囉住十幾廿個袋, d 袋仲要 double 上怕唔夠力. 話分類回收但我係唔見有人放野落第二垃圾埇. 比較之下香港是要一讚的, 當然如果全中國都好似香港咁就最好了. 身在美國的我要以哪一個立場呢? 還是不理了, 依度治安咁差, 有命回來先講.
晚上去睇公牛, 遇到兩件好老土的事. 1) 巴士行行下到一個路口, 因為比賽關系比唔知警察定咩人要佢改路行 (冇事先通知情況下), 之後又塞車個司機又唔知點先番到去正路. 最后攪到要落車急步行去聯合球場, 二十分鐘的車程變長了六十分鐘. 2) 去到球場, 明明跟住張飛去到個 Gate 門口點知話我有袋唔比入, 要圍住個場走半個圈去第二個 Gate 搜袋, 要排一條長龍之餘入到去又要放底個袋唔比入場 (又要排第二條長龍). 一味只識講 ‘Security Issue’ 大晒咩, 真係既好老土又唔 customer friendly.
入到場都開波了, 個場都有 7 成滿. 20蚊就預左坐山頂. 尚好就係睇到個球員號碼但睇唔到英文名, 感覺就好似佩眼鏡做視力測驗一樣. 全場公牛 Lead 到尾, 1 號 Rose 同 14 號 Noah 都幾勁. 全場兩隊五成戰略都係 Pick n’ Roll, 打法有點悶.
有三樣野比較特別的:
– 睇電視射波穿針會有好清脆的 ‘chop’ 一聲, 現場係冇的, 好冇癮
– 我成日以為叫 Defense 好嘈係 Effect 黎, 點知原來主場 d 人真係會大叫同埋 dum 地的
– 睇電視上以為 d 人好勁, 現場睇真人其實同街場睇人打差唔多 feeling, 只係射親球球都會入同埋好容易入樽咁解
中場同 timeout 時好多野玩, 觀眾都好開心 (睇 TV 睇唔到)
之後去了 Hard Rock Cafe 食晚餐. 女仕應愛拋胸作勢, 我叫左10 oz 漢堡飽以為好細, 點知係食唔晒的. 最討厭係埋單除左比稅外, 另外仲要老屈 18% Gratuity (即係香港的 Tips). 加埋稅稅即係餐牌價再加三成. 頂佢依度賺錢又比政府抽重稅, 10000 蚊抽剩 6000 蚊落袋出街食野又要比人老屈多 3 成. 我明白點解西人咁鐘意自己煮/去食快餐店.. 同埋佢地黎香港中國會狂掃貨. 冇計, 收咁貴 Tips 唯有屈條女同我地生日果個同學影相..
Chicago Bulls!