Jetlag 總算好了點, 今天八點半堂琴晚一點都訓得著. 可是今早又係遲到. 連上兩堂都遲到, 仲要係星後幾個入課室很是樣衰. Professor 一開波就講個 Case 講左兩個半鐘, 中途仲係咁抽人問, 個 Case 自己冇落手做都不知幾驚比佢抽中黎問. 依度唔同香港, 抽到你話唔識冇人理你 (因為D人都唔識). 個個比人捉出黎問的都可以吹到半分鐘以上的..
遲到/唔識Case/比人抽/英文問題 幾樣野加埋令我感到前所未有慌張的感覺. 而且仲要係我係香港最有把握的 Finance 科目, 感覺就像是亞洲最強 – 北韓世界杯出線後比巴西葡萄牙狂數一樣 – 不能接受的現實. 人家外國留學都是高中或大學開始, 仲可讀英文先修班, 現在我由井底一去去這裡來這學校, Professor仲係某大 Hedge Fund 賺夠退休黎教書, 仲要講到明依科會好難, 這個壓力對我黎講還是太大了.
幸好同組的蘇格蘭外星人一開始就自告奮勇講了幾分鐘外星話, Professor 冇再問我地組任何問題. 十星期的堂過了第一星期. 看來莫講話兒女私情 (你班友仔想得容易, 日日問我有冇料到, 可是這裡不是你們想像中的淫亂), 就算去第二個 City 旅行的念頭都要取消. 乖乖的讀書吧.
Finance 科其中一個我唔識的地方就係 Tax, 香港所謂避稅天堂, 讀 Account & Finance 相對好少會係 Tax 方面諗. 依度做 Financial Case Study 任何 Investment, Dividend / Loan / 任何野一定要教慮 Tax. 佢地班歐洲美國人玩 Tax Shield 已經玩到入晒腦, 我仲係度傻下傻下.
第二堂係吹水科 Managing Organizations, 都仲未知 Add 唔 Add 到 (如果 Add 唔到就讀得兩科到時好麻煩). 因為我未 Add 到所以未買 書/Notes, 原來又係第一堂前要睇五十版紙 Readings 同埋交 Write Up assignment. 今次仲衰,因為冇 Exchange 同我同班仲要全班人冇中國人. 承接早上的慌張, 我開始上依堂時都好不安. 幸好個女 Professor 自己吹水吹八成時間, D 野都算 Common Sense. 堂上 Group Exercise 我冇睇過諗住死硬, 但原來佢地講 Toyota Production System, 依樣野我叻過佢地, 什麼 Just In Time / 看板 / 改善等等係香港都研究過晒. Discussion 時同組兩個鬼妹同學又照顧我, 仲要係放學時我知到我係最后一個 Add 到依科 (之後還有十幾個人 Waiting List), 都算係上天保祐. 衰就衰在本 Course Pack 得果百幾版要賣 US$133.9.
當中最有趣的是做個 Experiment 叫兩個同學分別計十條小學生的3位數加減四則運算 (17 x 4 = ?, (12)^2 = ?, 499 – 289 = ?…..), 兩個都要用左一分鐘先攪掂, 見佢地寫晒係張紙度計 ‘直式’. 都是算了吧, 有命番香港先笑人.
加油呀! 呢d過程黎姐~