同組有澳洲華人, 以色列人同埋新同學蘇格蘭人. 基本上澳洲同以色列人的英文我都係麻麻地聽得明, 更什的是開會時個蘇格蘭人講的就像外星文一樣… 典型超細聲(因為紳士?), 很多懶音, 講得快到一舊舊. (中大某鬼妹說蘇格蘭英文 = 北京的普通話, 我連香港的普通話都不能 100% 聽懂, 死硬了) 份 Case 佢做晒所有 Calculation Part (冇計我地唔夠時間), 由於個 Case 比好多空間的關係, 佢計到天花龍鳯, 好多 Assumption, 加上我聽唔明佢的英文, 所以都唔係好明佢係度做乜. 看來當年 Joseph 教的東西我全部還番晒比佢了.. 依科真係有排捱, 都係希望碌過就算.
我搬出去時都學了煮好多中國菜的, 平時係香港有阿媽在我當然懶惰, 看來我在美國還是要露兩手. 晚上用自己不銹鋼公仔面煲第二次煲反, 加埋日式咖哩汁同午餐肉, 煮出來味道一定不比屋村茶餐廳差. 可是問題出了, 飯焦痴住個晒煲, 花了二十分鐘又加熱又用刀片佢先可以完全整走 d 飯. 如此這麼費勁, 我為了這餐飯付出的卡路里一定比吸收的多.
