雖然遲左, 但一早 Plan 左去 China Town, 所以也照去. 為免被槍殺, 我乖乖的搭巴士上番 down town 再轉地鐵去番 China Town. 心只想住買公仔面同 Prepaid SIM card, 點知有喜出望外的發現…
以為 Pre-Paid SIM 會好似鴨記咁有得超平咁買, 點知找不到, 佢地賣的主要係長途電話咭. 對有skype的我冇用啦. 果度有好多中國食店 (廢話), 4.5 蚊左右一碟碟頭飯. 都有好多人講廣東話 (我以為佢地會講普通話).
最開心的就係有幾間超級市場. 個名衰到叫做 ‘百佳‘, 以為佢地掛羊頭賣狗肉, 入到去先知好多野賣仲要賣得唔貴. 所有你想得出的都有, 出前一丁 辛辣面 不在話下, 維他, 楊協成, 王老吉, 家樂牌, 壽桃牌, 李錦記, 淘大等等香港有野賣既佢都入晒貨. 一包包既煲湯用藥材例如淮山 ‘慈實‘, 杞子, 紅朿, 所有菇類.. 遠 D 既肉骨茶, 澳門鉅記手信都有齊. 我可惜米冇金象牌. 我掃了很多野食回巢 (見圖).
公仔面 0.49 一包唔算貴, 如果得兩個禮拜期既就 2 蚊 7 包添! 細維他奶 3.49 六包, 算了當去左香港汽水機度買. 點心拼盤都只係 4.99 你話死未? 相中埋單 $37.75 美金. 仲要收銀員係純情版後生 MK 女. 回程轉車行路囉到隻狗咁. 係另外幾間買埋新鮮菜同食油以後食野不求人了. 要係美國活得 HK Style 也不難, 如果不用感受外國文化的話, 那些 360 超貴 SuperMarket 都可以不去了. 美國那裡沒有 ChinaTown 呢? 我國真係偉大…
去既過程都經過 Downtown, 路好闊, 好宏偉, D 車又禮讓 (好過香港多多聲). 留待慢慢欣賞.
如有人懂用火黎煲飯可以指教一下
