住了幾日又熱又晒, 以為 Windy City 浪得虛名, 依兩日 Keep 住 ‘發發’ 聲, 日光日白係街行都好似三號風球咁. 看來風之城復活了. 我明白點解香港的師兄話十二月果時負十度再加埋咁大風冇人會出街了.
來了幾日, 識多左人, 第一句開場白多數係Where are you from? 可笑的是我經常被誤會是日本人. 可能是我的英文大差了..
之前香港同事間會暗中開小玩笑說芝加哥黎的黑人女老細一個人要坐三個位. 但我想講的是, 來到芝加哥, 她的身型只是穿M 碼衫.
昨天在十蚊店買了個日清的即食面, 這個面賣六毛九, 不算太貴, 包裝不同, 沒有清仔, 有點是老番的感覺. 食落都 OK, 等我去 ChinaTown 看一看有否香港版或日文版.
依度搭巴士係窗口拉條線就會出訊號比司機知要停車的。
今日本來冇野做的, 點知變到很多野做. 原本同德國人諗住傾 Case Study 傾幾句回家做, 點知佢話囉兩三個鐘一齊做左佢. 德國人太爽快了, 話做就做, 我地兩個人用左三個鐘攪掂晒, 非常合拍. 我估這也是他簡我依個中國人的原因. 兩個人做的確意見少很多也 Efficient, 回想起香港讀書時, 先出黎傾分工, 再分四個人做, 做完要傾一輪, 傾完又要搵一個人執番晒四個唔同人的英文為一個 Tone. 不過我明白我在這裡是 Full Time 所以時間上 Flexible 好多.
做完係 Campus 周圍行影下相. 首先係自己 Department. 由於資源充足,乜都係好新好靚的, 剛好地下攪個類似中大藝墟的東西, 唔同文化小組係度招攬會員. 運動小組, 同性文化小組, 自助餐小組, 佛利民小組, 中國小組都有.. 可是一年會費由50-100 不等. 住三個月的冇得平, 可惜.
因為地大關係, 校園都好大, 每個學系都有自己一棟 Building 做 Lab 等等. 有好多草地, 學生可以 BBQ, 坐係度睇書, 係度打攬球, 又可以坐係度睇書 (見下圖).
這裡的到處都是小松鼠, 數量比麻雀還多, 唔怕人係度跳黎跳去或者爬上樹.
書店有樣好, 買完書可以學期完後平D賣番比佢地, 又或者直接買 E-Book (所有書都有 E-Book). 香港的大學可以學習一下.
有大學同商學院的 Soc 褸賣, 我買完番黎著, CS 班宅男不要再串我 on 9.
最后去了我最喜愛的地方, 大學體育中心, 這裡比香港任何一個市政局室內場都大, 學生費用全免, 因為是偷影的, 所以冇影到 Gym Room, 你見到D黑人舉緊100kg的 bar bell 你都唔敢影佢地, 對不? 大家不用寄望我會變肥仔番黎了. 嘿嘿.
晚上去了 Exchange 專用的 International House Hostel煮野食, 大家分工煮野, 我當然負責中國人煮的飯. 我地用火煲飯同埋用 ‘獲’ 煎腸仔炒紅蘿蔔等等, 到了最后先知原來有飯煲和 BBQ 器具. 佢地有好多個雪房咁大既雪櫃, 入面有一格格 Locker 裝野食, 成個監獄一樣, 可惜沒有相機. 大廳有Ping Pong 和 Pool Table. 得閒 D 鬼仔又會黎同你傾下計, 無端端又會有咩 event 食唔晒 d 野囉過黎比大家食. 如果接受到細房同埋 share 廁所沖涼, 住依度會識到好多人.
食下食下, 有個法國同學識左班西班牙仔, 西班牙仔話 Friday 撩去Campus 某處一個 House Party. 我過來本想修心養性, 但功課做晒, 同學們又雀躍, 咁Study Hard 完唯有 Play Hard 一下.
我地一行五人, 法國/德國/以色列/澳洲同埋小弟, 跟住班西班牙型男索女入去. 五蚊入場, 有無限生啤同 Vodka Mixer. 就算唔跳舞, 飲酒都抵. 入面同我大家睇西片見到的都差不多, 囉啤酒時隔離條靚仔係度包草. 去到大廳時草味濃郁, 此時唯有引用李超人係日出康城的名句 ‘心曠神怡’. 這裡中國人不多, 仔多過女, d 靚仔後生 (好多仲係 undergrad), 而且有d仲著住 Soc 衫 (我又想起某同學係中環著件 CS Soc 褸行街). 我都係企係度睇戲飲酒算, 可能大家唔係 Native Speaker, 飲了酒講野慢了, 英文易聽好多. 法國人23歲 (都唔知點解咁細個可以讀MBA) 係度勁講溝女史, 我可以講佢唔似香港 D 狗公咁下流, 但可以用風流黎影容. 佢地溝女係有一手, 講英文都會比d女話佢個 voice 好 romantic. 依D我地真係學唔到. 以色列同學個子不高, 但藍藍眼晴都幾靚仔, 係度嘈話讀三科買書買 Case 都要 600 蚊美金, 仲貴過佢係以色列一年MBA學費… 中東國家政府有錢係唔同d~ 佢飲左一杯就坐左係角落頭Sofa度, 以為佢醉左, 佢話佢搵 Target, 我地都取笑佢冇理佢. 點知半小時後佢起身, 走佢舞池跳下, 就有條中國女聊佢, 之後好快撻著攬埋一舊跳. 隔一陣又有第二個埋身. 在美國這些地方我還是坐在一角做 ‘可憐虫’.. 都係練好 D 英文先啦.
玩到兩點開燈走, 佢地一班人番i-house, 我還是一個人行廿分鐘番 Apartment. 街上的人比平日還多, 每兩條街都見到有 House Party. 這是外國生活.
睇黎你好大機會會識到女仔~
風景好靚呀!!學校好大呀~!!