昨天不斷安頓, 算起上來有三十小時沒係床上睡覺, 以致食豐富晚餐時 (安格斯牛排 + Chips + 真係煲到好熱的茄汁豆 Baked Beans) 釣魚多次. 回家訓了一陣, 又在五時醒來, 中午十二時又訓到十七時. Jetlag 仲雖要多一兩日調節.
Airplane Lag 係我係機上看成龍的功夫夢度學的. 套戲真係唔多掂, 好多細節野交待左又冇連接性, 成龍既文戲又唔得, 唯一可觀之處係宣揚比外國人睇中國功夫哲學同埋揭開神秘面紗比佢地睇.
美國有度好, 就係有單可以 refund, 我唔熟美國物價以為乜都貴過人, 係間類似 360 既超市買左個 20 蚊的煮公仔面煲. 行多幾間發覺有間 ‘dollar shop’ (類似香港的十蚊店) 只賣6 蚊. 其他貴一蚊兩蚊的野就算數, 但係個煲太貴唯有囉去 refund. 佢地都冇為難好快就 refund左.
訓醒都五點, 冇乜特別野做過. 比我行遠少少搵齊晒我附近的 shopping centre (我住果度都不錯, 比四個 shopping centre 圍住), 個Mall入面的日用品, 食野同買酒都好平. 去左間叫 N 字頭的中國外賣飯盒店, 有唔少黑人去幫襯. $7.5 一個超大的雞牛蝦炒反 (=晚餐+宵夜), 仲要同香港差不多味度. 攪笑的係店主同伙記講廣東話粗口係咁話某個黑人客人. 粗既程度同香港既地盤佬差唔多. 黑人當然on nine nine咁唔知佢講乜. 這是外國文化的有趣地方. 店主同我都係講英文, 我唯有隱藏我的身份, 多多幫襯. 因為 walking distance 冇乜中國野食.
香港打風落雨, 原本想影下依度既 full moon 放FB, 但點知今晚都多雲落左陣雨影唔到. 講到天氣, 很多人說這裡現在入夜會好凍 (包括早我一星期去LA的貪玩女E 同埋我公司芝加哥的鬼婆老細), 所以我引用了炒樓王 L 的方法買真空袋用吸塵機將羽絨等厚衫吸到變T恤size (見到咁神奇真係爽到HIGH HIGH), 在8成衣服都是長袖衫之下, 現在半夜三點我還是赤裸上身在打blog.可能我冇同佢地講到我個人有幾HOT. 不過點都好, D 衫十二月負十幾度果時總會用得著.
聽聞以上提到的E小姐去到LA兩三日已Homesick (如無意外只是BF-Sick), 小弟so far都未有任何唔慣的感覺.一切來得好自然好舒服, 同在家沒分別, 可能我習慣流浪, 又可能我付了三百塊買斷三個月Skype並將之變成香港無限通話 (你打我香港手機會搵到我, 唔會再收我錢, 我打比你都係), 基本上日日都同不少人講電話. 這裡應可以比我清靜思考, 再研究下我 d 會生金蛋的小雞.
影多啲相0黎睇吓吖?(Your apartment, campus, mall….etc)
碟餸睇落好咸
我 BF 話喺美國買嘢最緊要 Keep 單, 如果可以 Keep 埋 Packing 仲好 (重點要係 resellable condition, 當然要睇埋 T&C). 佢以前去美國做嘢, 買咗套 BOSE Hi-Fi, 90 日內攞返 full refund, 之後再買另一部, 90 日內又換過. 如果唔係要返香港, 佢會去買套 B&O.
我另外有個朋友, 買晒成屋新傢俬, 一年後全數退返, 之後就返香港.
雖然好似有 d 奸, 但呢個喺美國人嘅 norm, 佢哋覺得好平常. 喺華人嘅地方就唔 work, 如果你依家唔試, 返到嚟就冇架啦.
依個方法十分好. 但是我對聽音樂興趣不大, 唔知買車有冇得 90 天 REFUND? 係的話我有興趣.
Anyway 我買的野都不是什麼貴野, 傢俬又已有齊, 我諗唔會 Refund 的了, 我過黎係宣揚中國人的美德….