我只係SEND個blog條links比大家一次,估唔到大家會keep住睇仲要不斷留言.你的支持將會是我的動力.
早上起身又去SuperMarket走了一轉, 原本想去買包 Salt, 順便睇下有其他野, 見到 Seasoning 種類多到可怕, 對我依個選擇恐懼症的人簡直係惡夢. 但對喜歡煮野食的人黎講係好快樂的事. 講開煮野食, 琴日 Exchnage 朋友們見我話會自己煮食, 都好有興趣要上黎試食. 我諗佢地以為我係煮 Chinese Food 好勁的人, 我其實係煮日本野的高手, 專長係日清食品系列. Anyway感覺上其實外國人對中國文化都好有興趣的, 身為中國人都可以多向外國人分享一下.
午餐懶惰, 去了間地道快餐店買野食. 見佢地叫雞成日叫 Half Dark 或 Half White. 我都唔知係乜, 咁唯有叫個平 D 的 Half Dark. 之後問番原來雞都有白肉同黑肉, 腳附近的係黑肉, 因為雞係走黎走去腳會污糟. 雞背雞胸係白肉所以會貴D. 我買左 4.5, 有四件雞一堆 Chips, 又係一餐食唔晒留番晚餐.
今天開學, 又係因為懶惰遲了十分鐘入班房, 已經係最后一個, 幸好仲未開講. Professor 都講得不錯, 而且講得好快. 同學們都好有 Sense 係強勁之人, 本人因為 Spoken English 差所以安份守己做乖仔. 講的 Discount Rate / CAPM / NPV 等等在 Joesph 堂都有聽過, 只係還番晒佢老師所以少少跟唔到, 我相信看一看 Joesph 的 Notes 應可應付得到.
又到 Form 組的麻煩時候, Exchange 德國同學說不如我們兩個人一組, 多個人多意見, 而且我地又要過去 Downtown 同FullTime的同學傾 Project. 所以我都決定了兩個人做四個人一組的野. 而家唔使番工我心想問題應不大, 如果佢都似 炒樓王L 一樣做野咁 Efficient, 我們將會合作無間.
依兩日發覺偷番黎的 WiFi 接收好差, Skype 都不能流暢. 都係頂唔住要打去申請番個寬頻. 佢地要收 50 蚊安裝同埋 30 蚊月費, 連Cable Modem 都要租借費, 要下星期三先裝到. 還是香港好….
出去倒垃圾見到有個印度仔坐係我門口玩 NoteBook, 我終於知道點解 WiFi 收得咁差..
希望你3個月後返來不會變肥仔吧~
應該不會, 一日只食一餐 big meal, 其餘都是 hea 過. 三個月後應會回覆番我讀 U 果時咁 Fit
白肉黑肉唔係咁分的…
我最鍾意行鬼佬超市！
Don't eat so many junk food~!