九十之七 有新同房……….

買了材料, 煮野食煮到芬芳撲鼻. 心想最多只係吸引鬼妹鬼仔黎食 Chinese Food. 晚上去飲水果時比我見到佢沒我批準走左入黎, 佢洋名叫 Strong Junior, 中文名如無意外應該叫 小強. 我不想弄污自己的拖鞋, 唯有囉張報紙隔住踩死佢. 點知佢大命, 比佢走甩左去牆角. 同佢對峙了兩分鐘比佢走甩左. 我只係度住三個月, 總之你有你生活, 我有我工作, 大家相安無事三個月好頭好尾.

晚上出了去 downtown 食芝加哥地道野 Deep Dish Pizza. 係厚批再加上好似面包咁質地既三吋邊皮. 食落好好食, 全日冇食過野既我只係食左兩件 (好多鬼仔都係食兩件). 一件叫 Meaty Legend (肉腸,肉腸同肉腸) 另一件叫 Four Cheese (芝士, 芝士, 芝士同芝士). 間野所有枱椅牆同天花板都比人寫晒字, 好美國 feel. 連埋酒精類同 Garlic Bread 埋單人均 17 蚊, 好抵食. 依度好有趣, 你一叫酒精, 唔理你個樣有幾老, 都一樣每個人出示身份證. 我冇帶 passport 同身份證但好采都過到骨.

全程又識多左六七個人, 今天的英文溝通好流暢, 大家仲傾下來緊去邊度睇 American Football, Baseball 同籃球. 有人話會有兩場 Rockets 作客公牛, 一眾中國人都會買飛捧場咁話.

Downtown 唔係度度都熱鬧, 我地週日晚八點去果區真係靜到 Bio Hazard 一樣.. Down Town 日頭見 Downtown 的建築好宏偉, 但係晚上都只係橙色的街燈照明, 同香港差的遠了.

依度連買兩個半鐵路飛都係用信用咭, 帶來了的 Cash 都不知怎算.

回程時有個女同胞說唔識 Set up 寬頻, 我話只係吉線個洞岩入就 ok, 佢話不懂, 約我明晚去佢 Apartment 幫幫手.

(相片在同學部機, 同佢地未熟無謂帶咁大部機係室內係咁影)