連開兩日 Group meeting 傾今個星期份 Case, 大家都好 Hea 連 Case 都未睇 (包括蘇格蘭人). 好鬼晒時間又唔 efficient.
開完會參加 i-House 大食會, 每個人都要帶 d 食物去. 我地一行人去了超市買了薯片/啤酒/沙律.. 再去隔離一間叫 HomeMade Pizza 買三個大批. 佢話要等十五分鐘以為係製成品, 點知只係即場落料, 比個批我回去用焗爐焗.. 一行四人囉住好多野, 佢地’醒目’叫 Call Safey Ride 番去 i-House (人地 Safety Ride 本身係學校有部車黎車夜歸少女用)…
去到 i-House, 大家都煮野食. 十幾人在千幾呎的廚房吹水煮野食感覺真的快樂得很! 我因為懶惰同埋麻煩我沒有煮 Chinese Food, 結果當晚日本同學煮的照燒雞扒獲選 no.1. 看來佢地都好鐘意亞洲的食物! 另外法國同學和巴西同學煮的 local food 都很好吃. 是晚都有同學大量供應啤酒同 Vodka, 因為好食且快樂我都喝了不少. 在這裡吹下水, 食下野, 打 Pool / Ping Pong 等等歡樂程度不亞於在香港劈的場一打三. 睇下第日邊個發左達係香港買左間幾千呎的 House 就可以將歡樂重現.
是晚同其他同學都交流不少, 外國同學對香港無限 OT 的工作文化感覺很 ridiculous. 而大家都覺得這裡讀書的 workload 多到不能接受, 決定了要浦多一點.
國內同胞告知這學校有一個 20 人左右的 ‘廣東話小社群’, 看來我要去看一下究竟~
不知不覺過了二十日 (22% completed), 為何時間過得這麼快?
到我地買到果時可能成屋都係BB仔了