九十之二十四 第二階段

等了三星期, 香港寄過來的變壓器終於收到了, 在家中連 iPad 也可以無線上網了!

英文溝通算 OK, 上堂都 catch up 到, 家中可以全面上網, 飲食同生活節奏都習慣. 除了沒有做 gym 和膝蓋物理治療外, 基本上只站穩了. 過了第一階段, 係時候想下下一部如何..

當我開始想去多 d networking 活動之際. Facebook 彈出了一位 exchange 同學的 album. 他來自國內名牌大學, 在香港公司工作並進入了科大讀 MBA. 為人很 nice (但我 feel 到佢都係叻人) , 而且國語粵語英語都很順利. 他不埋我地果堆, 沒有和我地去劈酒煮野食係學校附近玩. 以為他自己收埋讀書之際, 原來他走了堂, 自己一個租車四日圍住 Michigan Lake 走了個圈. 用 Canon 和 10-22L 影風景相很漂亮, 靚機靚鏡靚景靚構圖.

我看完呆了, 覺得自己很浪費時間似的. 人家未夠一個月都已經自己周圍去了, 另一位女同胞又係唔理功課去完華盛頓又去紐約. 究竟我是要用時間 100% 睇晒 d notes & book 上齊堂囉高 grade (基本上囉咩 grade CU 都唔會計, 只係自己要挑戰這裡的人), 定係好似佢地咁見識下美國呢?

是中國同胞見識淵搏, 定係佢地珍惜黎美國的機會 (除左 Study VISA 外佢地冇香港人咁易囉到 Travel VISA)?

回想在香港時, 我的時間多用在女仔 / Facebook / msn / 高登 / xbox / iPad 遊戲… 雖然比好多其他人天天追無線劇集進步了, 但是否廿幾歲就開始過惰性這麼重的生活? 在香港不做這些, 還可做什麼? 有人說自己先進了, 不會玩 iPhone/iPad 這些蘋果公司設計的遊戲, 天天升 level 唔知做乜x野, 辛苦儲番黎 level 十年後又有代表乜… 不如走去不斷炒股炒樓 ‘資本增值’ 啦? C老闆說得對, 他們不玩蘋果公司設計的遊戲, 但他們在玩的卻是李嘉誠設計的真人遊戲, 不斷升 level 儲金錢, 四五十歲仲用高 leverage 去博, 佢地知唔知自己做乜x野呢?

在這裡除了想下黎緊兩個月要 focus 讀書 / 落 pub / 四圍見識外, 還要要靜靜地想一下下半世要如何…