九十之二十八 聯繫匯率 (Part 2)

坐完渣車去 downtown 食野, 大家吹水無聊, 以為外國人比較 ‘話一就一,話二就二’, 原來外國女同學仔都幾八掛 (不斷話其他人 Gossip, 簡直是 ‘來說是非者’), 講下依個想溝邊個, 邊個本身有拍拖云云. 好采在這裡乖乖的我沒有任何野比人講.

晚上去到食飯, 是一間日本餐廳, 野食很好食, 魚生很新鮮, 同天后區果 d 日本野食差不多. 我地學校來了很多人, 但 Kellogg 學校有十七個人甩底. 野食又一早預訂的, 最后我地要食埋 d 野佢仲要比多 d 錢, 人均42蚊埋單. 大家小晒嘴, 我一早預到會咁樣, 所以我同鬼仔講sushi/圈物/咖哩豬扒飯等日本名物要食多D. 自己一個人食左三四十舊 ‘uncooked fish’抵晒. 可是席中一位來自Kellogg 的日本 exchange 當住咁多 exchange 面前大講釣魚台事件, 佢講的’事實’ 是什麼我都不用多講, 費事忍唔住出聲的我都係走過隔離枱同其他人 social. (我係芝加哥同好多日本 exchange 都很融洽不談政治) 集體甩底同埋學生質素依樣野令我對依間同HKUST深交的Business School有點反感.

最攪笑係好多人冇咁多 Cash, 有 d 又得張一百蚊. 但原來可以一個個人刷咭咁比錢! 信用咭文化在美國同 Cash 冇分別, 咁 flexible, 難怪咁多人爆煲.

第二場係囉 Disco, 間野同蘭貴坊 d 懶 High Fing 頭場一樣, 澳洲同學著短褲唔比入, 印度同學著波鞋又唔比入. 最后印度同蘇格蘭同學係間野門口換鞋, 隔離仲有好多人排隊睇住晒. 我見到蘇格蘭同學著印度同學 ‘舊鞋’, 笑了 (其他鬼仔不知道我笑乜)

因為澳洲同學要渣車, 我地有七個人拆左出黎搵 d 普通 pub 飲下野. 第一間 pub 店員係門口玩晒野要查 ID, 大家囉 ID 出黎 (有本地語言和英文) 但個侍應玩野話德國同學要囉 Passport 先算. 老土到爆, 既然唔想做生意我地去隔離果間, 話入就入, 乜都冇 check  過. 埋單走人時一部五個人的車要坐七個人. 我和四個女生埋在後座坐大半個鐘車回家, 迫得很辛苦!