九十之三十三 中國人,並唔係…

昨天回家夜了, 今天懶洋洋的起身, 睇完 Case Study 出去行下 Downtown. 真的要多謝西岸過來的朋友給予的壓力, 否則我又在家做電車男食完就訓.

行了路普西 (West Loop, 即係 downtown) 一陣, 就去最出名的佐丹奴食野, 這間佐丹奴不是賣衫, 是賣芝加哥名物 Deep Dish Pizza. 根據上次 Book 左枱都要等兩個鐘的經驗, 今次還是六點半就去到囉位. 雞同鴨講一輪終於 order 左幾個 pizza, 一路等位佢一路整 (等了一小時). Pizza 是好食的, 但叫了三個批都包含了豐富的芝士. 我只吃了兩舊就收工了.

朋友帶了她的西岸的 MBA 同學過來, 據說她們一行十多人過來是去 Career Expo 找工作, 好像有人已有 interview 等等. 在 >10% 失業率的地方找到工作機會, 真替他們開心. 人家學校要搭飛機找工, 相比我學校每星期都有二十間大行黎求職 (求我地同學入佢地職), 感覺美國公司都幾現實.

食完 Pizza, 跟了貪玩的同學去 Clubbing. 不收入場費很爽 (依度去過幾個場都唔收入場費). 一如所料, 入去無耐女仕們被鬼仔聊了, 我坐在牆邊食花生看戲. 心想 “出去跳得就預左比人聊”, 正如在香港事業運強的女生會比麻甩佬啤住一樣, 得啖笑.

花生吃吃下發覺酒喝完了, 睇戲睇得快樂又飲大了兩杯, 決定開枝 85 蚊白酒繼續飲 (埋單唔使咁貴). 心想不管外國人怎樣欺負中國人都好, 海嘯后中國人有的是錢, 你地失業率十幾巴仙, 我地 GDP 年年升十幾巴仙, 小弟便響應溫總胡總豪給洋鬼子看… 叫了枝酒, 有金髮洋妞過來 serve 我們 (類似香港的芝華士女郎), 嘈雜環境且不善交際的我還是沒有主動搭訕, 讓她走了算吧.