九十之三十五人情味

到了放縱之旅第三天, 晨咁早起身 (可是我遲到) 去 downtown 北面的林肯公園動物園 (Lincoln Zoo). 依舊風景很美很舒適. 小動物都很可愛. 這裡很好, 沒有一般動物園的臭味. 在手信區買了一堆名信片 (可以有野寄回港了!).

這裡可以向南望番 Downtown

小孩子隨影

咬爛條欄

獅子和老虎

好多海鷗係度等食,用 24-70 都即刻啪去 3D Tracking mode 打雀

行了兩三小時, 幫旅友門拍照後去了附近一間不錯的快餐店 (Mello’s) 吃熱狗. 芝加哥式的熱狗是不可以加茄汁的, 如果唔係會比人小. 可能是因為太好味唔使加茄汁吧. 另外還有叫了牛肉 GYROS, 那是好似一塊蔥油餅包住好多牛肉, 這個都很好吃.

吃完坐番車番 Downtown 購物區, 因為我六點要回去傾 Project 的關係 (星期日要傾 Project, 真陰功), 旅友們將就我在芝加哥河邊影相, 等我走了后才去血拼. 那我在這裡消磨了很多時間影相.

左邊果棟係我學校的 Town Centre – Gleacher Centre

如有閒錢在河邊食晚餐一定很有情調

過幾日有 LEGO 展

這裡有 Nike Twon, Playstation HeadQuarter 等. 我走了入 Playstation HQ, 入面擺滿了 PS-Move 比人試玩. 玩過一陣, 其實同用 Wii Remote 玩分別真係不大, 仲要 Load 碟 Load 好耐. 看來這東西都會被比下去了.

夠鐘道別, 我回學校傾 Project. 依舊佢地一路打 Pool 一路傾 (好 Relax), 出面突然大風大雨, 不斷閃電 (同香港七八月果時差唔多). 傾到十點雨停了, 好像是天意一般. 因為太攰所以沒有回家煮野食, 聽聞 ChinaTown 有通宵夜茶飲, 於是又去了那裡找朋友們食野. 燒賣/鳯爪/牛仔骨等三蚊籠. 另外叫了兩併潮州併盤十蚊, 炒野xx骨6蚊, 飯 5 毫子. 野食/環境/語言和香港沒有分別. 食得很飽呢!