九十之五十 番生侏羅館

昨晚救倉已救七七八八, 但都是很夜訓. 今天約了德國仔去 Museum Campus 區參觀博物館. 那裡有三間博物館, 今天有兩間是免費的. 目標只係去兩間, 後來去晒三間了. 很多特別事發生:

本來 9:25 約了德國仔和澳洲人的, 好明顯澳洲仔甩底, 唯有我地兩個自己去. 在車站見到德國仔, 一向沉默的他說了很多次 ‘It’s a perfect weather and perfect temperature for me’. 大家都唔使估點解.. 我真係好對唔住之前西岸黎的朋友們因為沒有帶她們來這天堂美景.

一路行一路傾去 Vegas 的細節. 德國仔話想搵直昇機係 Vegas 直飛大峽谷 (1小時), 睇完兩係谷底好浪漫咁食野 (註:幾個麻甩佬), 都係 200 多塊. 我心想我搭巴士單程都要4小時, 仲要一百塊, 搭直昇機性價比的確高很多. 他說法國仔都有興趣, 太好了. 回家問一問他有興趣..

水族館 Shedd Aquarium

• 一入去問佢係咪 Free, 個死黑人女人話唔係. 差 D 比佢水左比錢買 PASS, 問多兩問先知比錢只係睇 4D 廢片. 我地話只係參觀, 佢不願意咁印張免費飛比我地. 事後發覺唔使錢都可以睇到九成的野.
• 水族館多數都係熱帶雨林的水中生物, 但都有好多其他水族館未見過的超巨型魚魚同埋海龜, 很可愛的.
• 海獅, 海豚, 營光水母那些在香港看厭了. 企鵝是有的看, 但和日本比較差太遠了 (旭山動物園, 大阪海遊館, 阿蘇 Cuddly Dominion, 長崎企鵝館..)

• 中央有個大魚缸, 我地在那裡有兩件古怪事:

1. 有個鬼仔走過黎話要同我地影相, 話係學校話要影張相, 要全部人扮魚. 我諗緊點扮魚之際, 德國仔拒絕了. 之後佢話只係佢自己扮魚, 咁是但便影了. (但都不覺得佢在扮魚的)
2. 之後我繼續影自己的相, 德國仔行開左. 有個鬼妹 (不是瘦的, 也不是肥的) 走過黎問 ‘Can I have your number?’, 我心諗 ‘黎明咩’, 我問佢 Why 佢又答唔出, 只係話 ‘Just want it’.. 我係度諗咁大個仔都冇比陌生人囉過電話, 係我字典只會係女先會比人囉電話. 究竟係咪比人玩緊呢? 係咪有笑笑小電影的隱藏鏡頭呢? 這真的是美國的文化嗎? (我經常指責西岸的朋友比仔聊是自討苦吃, 難到原來錯的是我嗎? 這真是文化衝擊啊~~~!) 當我還是攪不清是什麼回事時, 救星德國仔到了. 他一口會拒絕了她, 但是她不肯罷休, 說自己是加拿大過黎幾星期, 去什麼什麼音樂會似的. 話想囉個電話交流下. 之後德國仔見個美國電話一個月後都唔會用, 便給了她了. 守身如玉的我最后也沒有比了她. 因為還是攪不清她的動機為何, 廢事比人起底.

太空館 Adler Planetarium

• 這個館是要付費的, 我們付了入場費並且買了一張 3D 戲飛, 16 元正
• 入面都係睇下天文地理同埋天文歷史的, 其中有個 Lab Showroom 係佢地好多 research 放係度比人睇. 有個 Lab Man 係度解釋, 佢講到有台電腦將好多星球的超高清影像放晒落話 server. 話準確程度係去到三份一米云云. 我見佢好 research feel (深近視眼鏡), 我問佢一個問題 ‘你係度做咁耐 research, 又有咁多高清望遠鏡影像影到其他星球. 究竟你見過影像有冇外星人 (Alien) 呢?’. 佢回應好古怪, 之後就話見過一 D 古怪既野, 想開比我睇果時有另一個觀眾叫左佢過去, 佢就走左了. 番黎都冇再提外星人的事. 經過此事我 99% 深信佢地係知道有外星人的存在!!! 我快 D 去二手車場睇下有冇車有博派標緻..

 

四不像 Field Museum

• 這場館不用收費, 但我其實不知道他是展出什麼的. 只知一進去, 有很多古怪同不知所謂的畫. 而且有 Video 講蛆虫如何生長, 很醜怪. 館內仲有麥當奴, 真是不知所謂.
• 可是上了一層, 我便興奮了. 大堂簡直和 番生佅羅館 ‘Night at the Museum’ 很相似, 依度果隻 T-Rex 恐龍骨同戲中果隻簡直是一樣. 館內又有得多展品, 真想留到十二點後睇下會唔會走晒出黎.

起身沒有食過野, 行到四點鐘很累很餓, 去了 ChinaTown 食了好好食的 梅菜扣肉飯 (半肥瘦很標準)….