九十之六十三 還是喜歡回力 (補發圖片)

十點起身, send 左個 text 比佢地冇反應, 心想佢地都係 happy 完未起身. 我都係唔理佢地自己出去了. 今天天氣沒昨天那麼好. 行了附近手信店買了一堆很正的明信片, 一蚊十五張 (頂, 芝加哥果 d 一蚊得一張).

今天決定買張 24-hour 巴士 Pass 行埋其他出名的酒店再落 Downtown 舊區(Fremont Street) 看看. 首先去了 Bellagio 吃 Brunch Buffet. 排了一個鐘比了廿八蚊, 野食比 MGM 多了一點選擇但是還是沒有皇帝蟹食, 不過不失但是沒有魚生食.

之後一直搭巴士由南向北掃了 Strip 的出名地方. 去了 Flammgo 看小野生樂園, 去了 Caesar Palance 的名店坊. 去了 Sony 的專門店玩了 3D 版的 GT5. 不太特別3D而且要戴住眼鏡玩. 看來要戴眼鏡的 3D 時代應不會廣泛成功 (就好像是 MD 碟或 HD-DVD), 不用戴眼鏡的真 3D 才會成為主流 (日本已有, 自己看看)

之後去了 Circus Circus 酒店, 哪裡是舊酒店但是有兩個兒童天地! 一個是在賭場樓上. 去到, 很有歡樂天地 feel 而且很開心, 而且很多員工都是中國人, 不知它們是否前歡樂天地園工? 另一個兒童天地仲大, 有過山車/機動遊戲等等. 心想如果帶小朋友黎, 係度洗錢比佢地玩一定會比落賭場來得平.

StratoSphere 酒店有個很像東方明珠塔的東西, 塔頂可以玩跳樓機, 這些恐怖的遊戲都是唔岩我的. 遊過一週便繼續行程去 downtown.

巴士上很多三唔識七的人都會聊人傾計, 人地又會好 nice 咁一齊傾, 看似很 warm 很 nice 的. 這是我欣賞這裡的地方, 不會在香港有時聊下人傾計人地好似有種 ‘無事獻恩勤’ 的抗拒. 大家來這裡都是尋開心的, 很 open-minded. 這幾天行了咁多賭場, 很少中國人, 我聽到廣東話仲多過普通話. Even 百家樂枱都唔會有好多中國人. 是好的, 佢地去污染澳門好了, 不污染這裡是好的.

去到 downtown 的 Fremont Sreet, 這裡就好似女人街一樣, 很密集. 最靚的是天上有個弧型LCD的天幕, 有成公里咁長. 最過癮有條 Zip-drive d 人可以吊住咁飛過, 每分鐘都聽到 d 人係度大叫, 大家都好開心. 耐唔耐有 d 表演枱有人係度打碟跳舞, d 五十歲公公婆婆都會聞歌起舞, 這裡比新酒店區更熱情.
 

最正的是這裡的賭場, 是舊式少少的, 而且間間門口幾張枱的 Black Jack 枱都有只穿 push up bra 同埋底褲的女荷官做 dealer. Minimum bet 仲係 5 蚊. 我好後悔我係 MGM 輸左百幾蚊比五十歲的婆婆荷官. 大家去 VEGAS 一定唔可以去新酒店區賭錢, 就算輸錢都要來 downtown 輸比這些離婚媽媽 (很多離了婚的媽媽都會去 vegas 做工作, 要支持下佢地). 不知何解我是喜歡舊賭場, 我全次到澳門金沙永利果 d 新場都會周身不聚財而且輸錢. 所以我都是喜歡去回力果D賭. 由於已用晒 quota, 所以沒有在這裡賭錢. 這裡的野食都好平, Tony Romas 牛扒加龍蝦都只是15蚊, 這也是吸引的地方.

 

行完回去 Join 埋佢地再落 club. 我們今晚 plan 了去 Aria 酒店的 Haze Club 之後再去 Strip Club 見識一番 (只是見識). 十一時半去到酒店, 又要排長龍, 可惡的事來了. 保安話條龍咁長, 排到你地果時都會過十二點, 張 free entry pass 用唔到, 到時要比四十蚊入場. 而家我比個 offer 你, 你比廿蚊我當 TIPS, 我比條 fast path 你可以用到你張 pass. 這種明目張膽的行儈行為簡直比中國的還要炸舌. 沒辦法, 計 cost 的話唯有屈服在他的淫威之下, 行儈了. 入到去, 更覺得間 club 賺錢為上, 佢地劃開左好多位比 d 包左枱的人, 拉晒封條劃晒 d 普通人區域同埋高級人士區域. 場內保安當 general admission 果 d 人好似狗咁成日叫你行開唔好行咁近高級人士, 討厭. 除了這些, 個場是很好的, 同琴晚果個差不多. 係度已經兩個鐘原本想去下場, 但係德國仔又唔見左, 以色列仔去搵佢又連佢都唔見埋. 我去找他們, 發覺他們兩個一人一條女係度跳舞, 頂. 白天乜都要同人講價乜都話貴的德國仔仲要買野飲請女飲. D 鬼仔平時食飯飲少枝啤酒都要分單計, 要界女就闊佬到乜都得, 真係冇死錯人. 有時 d女仔黎到美國鐘意比仔獻恩勤, 以為人地真係 genetlemen 坐下人車比人請下食飯咁, 遲早一日會出事的話, 我真係會大笑.

廿四廿五後生仔鐘意溝女是人知常情, Strip club 見識活動取消我還是自己一個人回酒店. 我一個人行行下聽到後面有個女仔係度叫, 我無聊掉頭看一看見到一個貓左的金髮女仔自己係度講野, 一有眼神交流條女就走左上黎唔知同我講乜野. 我問佢係咪醉左, 佢話精神到不得了 (咁答好明顯醉左啦) 行路 Z 字的她仲要差 d 仆到地下, 我扶一扶佢問佢有冇事番唔番到酒店. 佢話緊係番到, 仲話唔信帶埋我番佢酒店. 見佢傻下傻下, 一時又話同我飲酒一時又話番酒店, 恐防有炸的我行到自己酒店我都係唔理佢自己走左. Las Vegas 治安咁好佢應該唔會有咩事的. 人生路不熟, 廢事有麻煩上身.