懶惰訓到成十點起身, 見無乜野做, 幫佢地手整野食去 Thanksgiving 聚會. 同細佬幫手整緊 Pumpkin Pie, 將D野溝下攪下咁就攪掂左. 班小朋友好細過就幫手睇住 Recipe 煮野食, 所以鬼仔廚藝是好過東方人也正常 (而家十個三十歲的香港女仔唔夠一個煮的野可以食落到肚, 真陰功). 坐左陣就出去了.
Host Family 兩夫婦都是在小鎮 Tampico長大的, 所以如果以中文來說是有點鄉村長大. 他們沒有離開過美洲, 極其量都只是去過墨西哥. 媽媽連無乜人的芝加哥 downtown 都覺得不集慣 (對她來說太多人), 所以我他們算是純品和純種的美國人, 未有太多都市人的虛假. 有點同香港很不同的地方就是他們對小朋友, 小孩子的房亂亂的, 三歲到十一歲都由得佢地周圍跑, 係地下攀黎攀去. 係床度食野又可以, 妹妹畫完畫對手污糟拿野食又得, 出街周圍摸阿媽阿爸又唔鬧, 全日勁食零食, 去完玩唔沖涼就訓覺, 回家就咁掉晒 d 衫落地唔掛 (好似功夫夢個靚仔) 自由度很大. 唔知係咪咁的關係, 小朋友都好乖, 無成日扭計無喊.
坐了十分鐘車, 我們到了他們父親 (小朋友爺爺) 的大家庭! 入面有四十多人, 每家都有幾個小朋友, 有點似我地新年全個家族相聚一樣. 爺爺房子很大, 有後花園, 任何活動都有很大的空間. 去到介紹了這個那個, 便一起拖手圍圈 Say Grace. 之後便開始大食會了, 每家人都帶兩三樣野食去, 又有火雞又有咸肉, 也有 Pie 同埋美式食品, 味道很好. 他的親戚都很 nice, 會聊你傾下計唔會比你悶. 在場有另外兩位中國來的 international student 夫婦, 他們一起傾中國一個小孩的政策. 傾傾下爺爺說玩遊戲, 我便參加一齊玩了三個遊戲. 遊戲很簡單, 都是掉下骰仔, 玩下啤牌, 搶下匙羹咁, 考反應考智力考運氣. 玩玩下就幾個鐘, 幾個 game 我都可以贏到 (當然要玩幾舖之後). 輸贏不重要, 看到很多老人家同仔女甚至孫子都玩得咁開心打成一片, 很 warm 很快樂. 幸好小弟家族都新年時都會有國術切磋, 也是很快樂的 (除了有時建基在金錢身上).
很似看西片一樣, 一個家庭聚會總有一個很多野講的老 Uncle. Uncle Roy講了很多他們家族的事, 我都唔使點講野. 佢地會知道自己 grand grand grand grand father 做過 d 乜, 有乜歷史 (例如南北戰爭..etc). 佢地好鐘意影好多家庭照, 很多晒成大相掛在係房的床上. 有點似吸血疆屍達古拉第幾世咁樣. 同之前講過一樣, 佢地全家都係同一個鎮長大, 大家都很 close 的.
好快過左六七個鐘, 又係時後講 Bye Bye, 回到家都十點了. 回到去傾開話佢地十二點會去 wal-mart Thanksgiving crazy sales shopping. 十二點是很好的因為好多其他舖頭要 4 點先開, 睇新聞見到佢地好多十二小時前已係門口扎營帶埋發電機/電視/notebook係度等. 很變態. 既然咁變態我就一定要去下, 美國的朋友叫我去 crazy sale 小心一點因為上年紐約 wal-mart 有人 crazy sale 人踩人致命事件. 其實只係 50% Off 唔使咁肉緊呢~ 到了十二點女屋主車我去了附近一個小 Wal-Mart 掃貨, 人不是很多, 沒有排隊, 但是車已泊滿了停車場. 野其實不是很平, 但筍野要等到5點先有, 我買了隻 5 蚊的 Blu Ray 碟. 回程時她車了我去了附近介紹下個地方. 感覺還是鄉村的. 這就完結了我的 thankgiving shopping 之旅.
很好的經歷~