今年起身沒什麼特別, 二仔同爸爸去了籃球練習. 只剩媽媽大仔同埋女女係度. 大仔唔知乜事頑皮比阿媽炳到九彩, 我繼續同狗仔同埋女女玩.
渣車出了去另一個 community centre 同另一個大家庭黎一個 gathering. 今次去的 community centre 不是一個屋企, 去到又是拖手 say grace 之後食下野吹下水咁. 今次識多了一對菲律賓夫婦, 來美國兩年, 是教會的活躍份子. 無聊地玩了一些兒同遊戲之後我出了去和細仔同埋佢表弟打籃球. 同佢地玩類似 O U T 的遊戲. 這次應該是我做完手術之後第一次射波. 感覺不錯的, 大哈細情況下贏了兩個六七歲的小朋友兩次後, 我和佢地玩狐狸先生的遊戲. 這些小朋友都很喜歡和我玩, 可能我低能掛.
玩完要走, 細路媽媽要番工走先, 細路爸爸帶左我去參觀一個地方. 看多兩看原來是美國第四十任總統列根先生的出生地, 他原來是在 Tampico (我 host family 個小鎮) 出生的. 那個導遊婆婆很 nice 很好人, 我們參觀了列根先生樓下的舊銀行和列根出生故居. 那是很好的, 起碼沒有我行近奧巴馬屋企時 (奧巴馬住的地方只在我芝加哥宿舍隔四五條街) 一囉相機出來就有 FBI 黎折我菲林咁霸度. Anyway 在這小鎮一切都很和平, 個個都識得鄰居, 沒有大城市人的大美國霸度主義….
參觀完回家抖一陣, 見到三歲妹妹囉住個BB公仔, 隊個裝左水的奶瓶比佢一陣又識疴尿, 之後又走去囉尿片幫佢包好佢, 真係好鬼 cute. 女女聰明講野又聽得明, 第日一定會好乖好叻.
晚上去了我個地區 host family大組的 gathering. 這裡是一個教會, 開頭是大食會, 之後便是唱聖詩讚美主同埋祈禱等活動. 讀了十二年基督教學校的我聽到佢地唱聖詩還是有點毛管動, 不過算了. 之後每個 host family 介紹一下自己 / 學生, 學生講下讀乜同埋依幾日做過乜. 最后又來宗教儀式每個國家都點蠟燭之後唱 A Small World. 佢地首先叫左 China 的人出去, 我自己跟埋走左出去囉蠟燭, 之後佢地叫 Hong Kong的人出黎. 我告訴她們 Hong Kong is a Part of China now, so I get it already. 美國人覺得沒什麼特別, 但是局中人先會知道這代表什麼義意. 事后有幾個中國女仔(人)過來讚我這話說得很好呢, 還問我資料日後溝通. 十多個 student 囉住枝蠟燭係度唱聖詩仲要比人係咁影相 (之後仲要係佢地 facebook 出現, 佢地鐘意 open to all, 變相一 tag 我就我世界 d 人都會知道) 真係唔係好自在, 想走又走唔到.
最后有祈禱說多謝主安排這一切一切, 又將一齊 credit 入晒主既數. 好既野入主既數, 壞既野就係主給的試練, 真係有點屈機. 我不信你地的主, 但我信一切命中有主宰有整定. 我不知道是觀音, 是上帝, 是天主或是外星人 (現在的我覺得是外星人多一點), 但恩果報應我是相信的, 所以我和他們說 ‘I don’t believe in god at the moment, but I am treating everyone nice’
"好既野入主既數, 壞既野就係主給的試練, 真係有點屈機."
這不是屈機,神係會按每人不同的能力為他安排好他的道路的,雖然你而家未信,希望你有朝一日會信啦~!繼續保持著一顆善良的心啊~!