早上起來, 天氣還是冷的, 零下三四度左右. 心想很快又會落雪了, 係街行來行去都凍到死, 何況囉相機出黎影相. 澳洲仔好負責咁幫手執好份 project case write-up. 上早堂時我們組勝過了所有組, 得到和 professor 99% 一樣的答案. 歐洲人應記一功.
下半堂做 wrap up, professor 講下佢依九堂教了很多 Corporate Finance 的工具, 分拆合拼IPO依 d 幼稚園不用講, 公司錢多要點做錢少又要點做, PERCS, Tracking Stock, SPV 這些爛東西全是 Financial Engeering 的 SB 想出黎的複雜野. 將風險移黎移去, 左手交右手交到唔知去左邊. 仔細看多兩看, 早兩年美國的 Asset Back Securities 例如樓按果 d 野根本就係同十年前 Enron 爆煲前玩果 d SPV 大同小異. 一間 Enron 由小小能源公司變下變下自己做莊家穩定能源價格, 將沒可能變成有可能, 邊有咁多野可以比你 perfect hedge 到. 請 d MIT 數學 PhD 番黎死計爛計自己做 model 做埋 valuation 講到神一樣, 股價每年番一倍, 最后又是爆煲. 十年前是這樣, 兩年前也是這樣, 六年后都會這樣的. 人類總是貪婪.
最后都沒有比人 cold call, 這科成功過到骨, 很是快樂. 和幾位同學去了餐廳拆了一餐的, 很 relax. 食到尾升比人 call, 告別他們后又要回學校傾下午吹水堂的 final paper presentation. 無無聊聊又過埋骨. 很是舒暢, 只剩兩科下星期 Final Exam.
大家同學今晚都去一個 farewell dinner, 我本來都不太想去但是我的 mentor 叫到, 唔去又唔係幾好. 放學回家小睡一刻, 但貪睡的我遲了半小時起床, 為了快還是不搭巴士, 去 Metra 站搭火車了. 出門口時開始落真雪了 (之前的是落薄), D 雪飄下飄下咁本是很浪漫, 但是凍到痴線就真係咩 Feel 都無, 耳仔同下巴都就黎甩出來了. 去到車站, 因為十程票用晒了的關係, 身上又得廿蚊, 買張兩蚊單程票佢彈番十八個一蚊美金出黎, 情況就好似舊式老虎機 ‘噹噹噹’ 一樣, 可惡.
Farewell dinner 都是走黎走去, 有很多人比我還遲, 我遇到我的 mentor Kris (詳見九十之十九), 大家又一見如故的傾傾傾. 佢仲講左我去華盛頓同埋紐約的寶貴意見! 又可以慳番 planning 時間. 某同學講到依度搵工好易, 都是工搵人, 仲有 Career Centre 乜都有的資源中心. 講真我真係上都無上過個網頁, 佢地講到神級, 我都要去 download 下 CV Sample / Interview video 先.
大家 Social 完傾完之後, 出去門口, 雪越落越大了. 大家都很開心話走之前要去千嬉公園流冰. 我本來都想囉 ‘落雪’ 黎做今日頭條的. 但不到五分鐘我改變主意了.
我地以為大伙兒一齊搭 Metra 回宿舍, 點知澳洲華人和瑞典仔話走先. 大佬, 兩條仔夜媽媽係 downtown 一齊走去邊? 去玩的話一定拉埋我們去. 古古怪怪的. 不久之後, 有人便告訴我, 澳洲仔上兩星期去浦時同亞洲女仔攪埋了. 這個我不奇怪, 澳洲仔英文了得, 個人算和善, 去親浦都劈到醉晒攬下女咁. 但是瑞典仔我可以說的就是, 一個金頭髮的電車男, 不多出聲, 不講笑, 不太參與活動的. 據說有一次瑞典仔跟埋澳洲仔去了’女朋友’的家玩, 瑞典仔和’女朋友’ 的 roommate 很投緣, 又攪埋了. 自此之後佢地就兩個就一齊去那兩個女仔房間 ‘鬥大聲’. 很好的, 仲有兩星期便要離開, 他們總算標到尾會 (讀大學時的潮語). 德國仔, 以色列仔, 澳洲仔, 瑞典仔, 蘇格蘭仔, 所有男同學黎美國後都一次或多次攬攬錫錫了, 中國人的我還是太弱, 不能為國增光. 希望回去後, 黨不會開除我的黨籍吧.
你不能為國爭光,有點失望~