三時準時起身, 外面仍是下雪, 負十度左右的正常天氣. Gel 得靚仔后 (之後數天沒有GEL) 便出發了. 半夜出街比白天安心很多, 因為咁夜咁凍, 連賊仔都會凍死, 所以街上一個人也沒有. 等車時見地下D雪很平滑, 無聊用手劃了圖案影下相片.
上了車去到茄菲車站轉地鐵, 依個站係一向被學校禁止進入因為治安很差. 三個月前的今日的同一時間 (半夜三四點) 才有人在同一月台比人槍殺, 三個月后的我已沒有什麼可怕的了. 上到車, 見到有後生的也有老的訓係地鐵地上或是位子上. 他們有些應是飲醉了, 有些則是 homeless, 利用24小時服務列車上的暖氣以免係街訓上凍死. 這些經驗我看旅行團還是不能感受到的.
坐下車轉下車, 又去到機場. 簡單 check in 過後, 過 security 時見到有條隊是短一點, 扮醒走去果條. 點知捉虫了, 果條隊有一半機會被抽中去做 TSA Scan, 即係乜都會比人睇晒, 小弟弟長度都會被知道果 d. 美國本土人都有好多人因為私隱強烈反對. 我本不想嚇親美國人, 但我不知道簡了這條隊, 佢地要自取其欲我都沒有辦法. 出到去, 佢地又要搜我的外衣, 可能因為袋中的暖包還在發熱. 佢地見到全中文字的熊貓暖包很好奇, 細看之下便放了我走了.
飛機發了一會便到了華盛頓, 那裡比芝加哥暖一點, 但都是零度左右, 機場都幾靚, 但可惡還是沒有 Free Wi-fi, 去地鐵站買 Day Pass, 入張廿蚊落去又無得找. 最后又要用 Credit Card 買. 沒有準備之下還是在機場囉了遊客指南上地鐵才想一下如何下車, 有 iPad 的幫助下的確慳了很多怨枉路. 華盛頓的地鐵站是黑黑沉沉的, 不知是否沒有錢比電費, 下車首先去了空軍紀念碑, 一個人也沒有. 之後順路去了五角大樓的911紀念碑. 照相時有其他遊客問我能否照相, 我說我照了幾十張都沒有 FBI 過來逗我, 應該是可以的了 (又要回想芝加哥隔兩條街奧巴馬屋企一囉相機出黎即刻比幾個人圍住的情境). 之後才知道五角大樓只有 911 果度才可以照相, 附近是不能照相的.
之後上車去了華府一帶, 簡介一下是整個華盛頓首都都很有氣派, 路也闊一點, 就好像我國首都北京一樣, 同上海是明顯不同的. 首先去了圖書館, 之後經地道去了華府參眾兩會開會的地方, 很是宏偉. 可是去每一個地方都要過金屬探測機同埋Scan 袋, 但去了兩三個之後我知道部機流流地很個樣, 因為我成身電話同 coins 都無響.
影下相行下, 在地圖上這裡的建築物的確很密集, 但是行的話會行餐死, 尤其是我單邊膊頭背著 7 kg 的袋. 天氣越來越凍而且無食過野 (因為想係白天行多一點) 但是 keep 住行總算分散了注意力. 這裡大到有點像杭州西湖, 或是巴黎的凡爾賽宮後花園, 用腳行晒是體能的挑戰.
行到中間, 見到有班大陸哩係度排晒隊咁唔知做乜, 企係度睇多兩睇原來佢地係乜春中國民主報的人, 笠晒水咁排晒位之後一齊打開 d 反共既 banner, 影完相之後拿拿臨收番埋. 我搖一搖頭, 心想你地黎到美國都仲要咁驚青, 點做大事. 剛好連係 National Mall 一帶咁代表到全美國心臟既地方都仲有乞兒問我囉錢. 突然看一看全世界所謂最民主的地方都周街乞兒, 半夜地鐵大把露宿者係度訓. 再看一看, 全世界所謂最民主的中國地區 – 台灣, 現在的小馬都唔好得過阿扁好多. 我只覺得很多香港人為 ”民主” 依兩個字而追求民主, 想清楚帶領你地民主的報紙 / 議員是為了賺份十萬蚊的月薪還是可以囉正牌強姦 / 非禮吧.
簡中想行入去一兩間博物館行下, 點知佢地沒有機器, 要人手搜袋. 我個袋內有內衣褲的, 無謂麻煩, 都是無入去, 反正都唔夠時間行. 行到一 d 出名的地方, 會有 Ranger 士兵定時定后講解歷史事跡. 我曾聽了兩聽發覺是宣揚大美國主義, 所以行走了.
行到西面, 開始好多乜叉二次大戰 / 越戰 / 韓戰 / 乜戰物戰紀念館. 除了二次大戰外, 在下覺得什麼中東 / 伊拉克等都是美國多事幹的所為. 只係越戰的陣亡美軍名字 (只是姓,名,出生年份) 就有五六本黃頁電話薄咁厚. 佢地仲不斷講自己有幾偉大點樣係全世界的大阿哥, 點樣好似超人咁維護世界和平. 剛好晚上新聞看到美國不斷在明在暗夾埋日本同南韓係東南亞一帶一次又一次進行軍事演習. 講真, 美國除了這樣之外, 還不斷出口軍火比其他國家. 美國佬是維護和平還是製造戰爭?
行行行行了八小時, 今朝三點起身到晚上八時沒有食過野. 鐵人都頂唔住, 開始出發去 Chinatown 食野 (還是掛住中國食物). 搭地鐵時好心幫黑人女仕禁電梯, 佢問我做乜咁凍唔帶帽唔帶頸巾, 我笑了, 告訴她我來自零下十多度的芝加哥, 她便明白了.
找了幾間食店, 第一個 foul out 的是 Jackie Chan’s restaurant, 唔使問點解. 最后去了 Cheap Cheap 食店叫了宮保雞蝦飯食, 這裡是 cheap cheap 食店但所有食客都好靜, 好似高級西餐廳咁. 廚房好近但又無獲氣聲, 仲要係阿婆做侍應. 有點失敗, 不過算了, 在美國有點似樣的飯都唔好計較咁多.
食過飯, 抖左陣, 出發去旅館. 旅館都算偏遠, 要地鐵再轉巴士. 環境算污糟, 一間一百呎房間入面有八張床, 仲要係三張床的碌架床, 我係唔可以坐係床度因為頂頭, 要訓住咁走入去. 廿蚊一晚的旅館是這樣, 幸好沖涼房很骨子, 仲可以偷用別人的洗頭水和皂液. 沖了涼便在 common area 係度睇 NBA.
其他後生仔係度溝女, 我沒有理會, 很累的我坐在沙發上看 NBA 已是享受. 看緊愛隊公牛對湖人, 公牛 lead 住湖人黎打, 有條粉人係咁 fuxk fuxk shit shit 咁, 好明顯佢係湖人 fans. 最后兩分鐘公牛好大勝算時條友囉左 remote 禁左去第二個台, 我同其他人你眼望我眼呆 x 左. 咁變態的人都有的. 不過我明知公牛會贏了, 感到公牛強大了. 有機會爭取到東岸冠軍~
之後聽到 d 鬼仔係度廢 up, 又話姚明咁高咁勁係中國人的 mutation (變種), 真係除了 Chicago Booth 的鬼仔同學外, 很多其他鬼仔都是 idiot…
